سندھ میں ہر ایسے کیس کی تحقیقات ڈی ایس پی سراج الدین لاشاری سے کرائی جاتی ہے، وفاقی آئینی عدالت کے تہرے قتل کیس میں ریمارکس

تہرے قتل کیس کی سماعت

اسلام آباد(ڈیلی پاکستان آن لائن) تہرے قتل کیس میں جسٹس حسن اظہر رضوی نے دوران سماعت ریمارکس دیتے ہوئے کہا کہ سندھ میں ہر ایسے کیس کی تحقیقات ڈی ایس پی سراج الدین لاشاری سے کرائی جاتی ہے۔

یہ بھی پڑھیں: آج لاہور میں فضائی معیار بہتر رہنے کا امکان، اینٹی سموگ آپریشن پوری قوت سے جاری ہے : سینئر وزیر مریم اورنگزیب

ڈی ایس پی لاشاری کی رپورٹ

نجی ٹی وی چینل دنیا نیوز کے مطابق وفاقی آئینی عدالت میں تہرے قتل کیس کی سماعت کے دوران وکیل نے کہا کہ ملزمان کے خلاف ڈی ایس پی کی نئی رپورٹ عدالت نے تسلیم نہیں کی، جبکہ ڈی ایس پی سراج الدین لاشاری نے رپورٹ میں کچھ ملزمان کو بے گناہ قرار دیا۔

یہ بھی پڑھیں: ملک میں ایک ہفتے کے دوران 13 اشیائے ضروریہ مہنگی، 11 کے نرخوں میں کمی اور 27 اشیائے ضروریہ کی قیمتوں میں استحکام

عدالت کے ریمارکس

جسٹس حسن اظہر رضوی نے فرمایا کہ سندھ میں ہر ایسے کیس کی تحقیقات سراج الدین لاشاری سے کرائی جاتی ہے، اور ایف آئی آر میں تمام 13 ملزمان نامزد ہیں۔ انہوں نے مزید کہا کہ تہرے قتل کے ملزمان کو عدالت تحفظ نہیں دے سکتی، اس کیس میں ملزمان مفرور بھی ہیں۔