2 سالہ بچی کو 10 کروڑ تاوان کیلئے اغوا کرنے والا ملزم پولیس مقابلے میں ہلاک
اغوا کا واقعہ
لاہور(ڈیلی پاکستان آن لائن) 2 سالہ بچی کو 10 کروڑ روپے تاوان کے لیے اغوا کرنے والا ملزم پولیس مقابلے میں ہلاک ہوگیا۔
یہ بھی پڑھیں: 299 بچوں اور مریضوں کے ساتھ زیادتی کرنے والے ڈاکٹر کو سزا سنادی گئی
پولیس مقابلہ
نجی ٹی وی چینل ایکسپریس نیوز کے مطابق سی سی ڈی چوہنگ پولیس اور بچی کو کروڑوں روپے تاوان کی خاطر اغوا کرنے والے ملزم کے درمیان فائرنگ کا تبادلہ ہوا اور دو طرفہ فائرنگ کے دوران اغوا کار ہلاک ہوگیا۔ ملزم کی شناخت رانا واجد کے نام سے ہوئی ہے۔
یہ بھی پڑھیں: جن محکموں کا کام شہریوں کی حفاظت ہے وہی ہراساں کرتے ہیں: سندھ ہائیکورٹ
اغوا کی تفصیلات
ملزم واجد نے سندر کے علاقے سے 2 سالہ بچی حرم کو اغوا کیا تھا اور اس کی رہائی کے بدلے بچی کے والدین سے 10 کروڑ روپے تاوان کا مطالبہ کیا جو بعد میں 5 کروڑ اور پھر 2 کروڑ پر فائنل کیا گیا۔
یہ بھی پڑھیں: گھوٹکی: لاہور سے کراچی جانے والی پاک بزنس ٹرین بڑے حادثے سے بچ گئی
رشتہ داروں سے بات چیت
مغوی بچی سے موبائل فون پر والدین کی بات کروانے کے لیے بھی 3 لاکھ روپے ٹرانسفر کروائے گئے۔
یہ بھی پڑھیں: چین میں 9 اعلیٰ فوجی افسران اور 10 حکومتی شخصیات کو کرپشن کرنے پر برطرف کردیا گیا
قانونی کارروائی
ملزم کے خلاف بچی کے اغوا کا مقدمہ تھانہ سندر میں درج کیا گیا تھا جب کہ اغوا برائے تاوان کا نوٹس لیتے ہوئے ایڈیشنل آئی جی سی سی ڈی نے بچی کی بازیابی کے لیے احکامات جاری کیے تھے۔
بچی کی بازیابی
اغوا کے ملزم کی لاش پوسٹ مارٹم کے لیے مردہ خانے منتقل کردی گئی ہے جب کہ بچی کو بحفاظت بازیاب کروا کر والدین کے حوالے کردیا گیا ہے.
