اگر آبنائے ہرمز کی بندش جاری رہی تو اس کے نتائج ’تباہ کن‘ ہوں گے: چیف ایگزیکٹو آرامکو

سعودی آرامکو کے CEO کا انتباہ

ریاض (ڈیلی پاکستان آن لائن) سعودی عرب کی سرکاری تیل کی کمپنی آرامکو کے چیف ایگزیکٹو امین الناصر نے خبردار کیا ہے کہ اگر آبنائے ہرمز میں جہاز رانی اور تیل کی رسد میں رکاوٹ کا سلسلہ جاری رہا تو تیل کی عالمی منڈیوں پر اس کے ’تباہ کن اثرات‘ پڑ سکتے ہیں۔

یہ بھی پڑھیں: ایک ہی بچے کی دو بار پیدائش ؟ میڈیکل کی تاریخ کے حیران کن واقعے کی تفصیلات سامنے آگئیں

مالی سال 2025 کے نتائج

الناصر نے منگل کے روز کمپنی کے مالی سال 2025 کے نتائج کے اعلان کے بعد یہ بیان دیا۔ انھوں نے مزید کہا کہ موجودہ بحران ’اب تک خطے میں تیل اور گیس کی صنعت کو درپیش سب سے بڑا اور سنگین بحران ہے، حالانکہ اس شعبے کو ماضی میں بھی مختلف رکاوٹوں کا سامنا رہا ہے۔

یہ بھی پڑھیں: اسرائیل کا ایران کے وزیر انٹیلی جنس اسماعیل خطیب کو ہلاک کرنے کا دعویٰ

ایرانی پاسدارانِ انقلاب کا انتباہ

دوسری جانب ایرانی پاسدارانِ انقلاب نے اعلان کیا ہے کہ اگر امریکہ اور اسرائیل کے حملے جاری رہے تو وہ مشرقِ وسطیٰ سے ایک لیٹر تیل بھی گزرنے نہیں دیں گے۔

امریکہ کا ردِعمل

اس پر ردِعمل دیتے ہوئے امریکی صدر ڈونلڈ ٹرمپ نے خبردار کیا تھا کہ اگر ایران نے عالمی توانائی کی فراہمی کے لیے اہم اس خطے سے تیل کی برآمدات میں رکاوٹ ڈالی تو امریکہ ایران پر ’اس سے کہیں زیادہ سخت‘ حملے کرے گا۔