فضائی کرایوں میں اضافہ

ایئرلائنز کی جانب سے کرایوں میں اضافہ

کراچی /اسلام آباد (ڈیلی پاکستان آن لائن) ملک میں جیٹ فیول کی قیمت بڑھنے کے سبب ایئرلائنز نے بھی کرایوں میں اضافہ کر دیا ہے۔

یہ بھی پڑھیں: اسرائیل کے قطر پر کیے گئے حملے پر ایران کا رد عمل بھی آگیا

داخلی پروازوں کے کرایوں میں اضافہ

’’جنگ‘‘ نے ذرائع ایئر لائنز کے حوالے سے بتایا ہے کہ کراچی سے لاہور، اسلام آباد اور دیگر اسٹیشنز کے لیے کرایوں میں اضافہ کیا گیا ہے۔ ڈومیسٹک پروازوں پر 2800 سے 5 ہزار روپے فی ٹکٹ تک کا اضافہ کیا گیا ہے۔

یہ بھی پڑھیں: عالمی صف بندی اور اتحاد کا تقاضا

بین الاقوامی پروازوں میں قیمتوں کی تبدیلی

بین الاقوامی کرایوں میں 10 سے 28 ہزار روپے تک اضافہ کر دیا گیا ہے۔ پاکستان سے مشرق وسطیٰ اور وسط ایشیائی ملکوں کے لیے 15 ہزار جبکہ پاکستان سے ٹورنٹو اور مانچسٹر کی پروازوں پر 28 ہزار روپے تک فی ٹکٹ اضافہ کیا گیا ہے۔

قیمتوں کی تفصیلات

ذرائع کے مطابق ٹورنٹو مانچسٹر کی اکانومی کلاس کا یکطرفہ کرایہ اٹڑھائی لاکھ روپے سے تجاوز کر گیا ہے۔ پاکستان میں طیاروں کے جیٹ فیول کی قیمت میں 154 روپے فی لیٹر اضافہ ہوا ہے، جس کے بعد پاکستان میں جیٹ فیول کی فی لیٹر قیمت 342 روپے فی لیٹر ہوگئی ہے۔