پاکستان میں فائیو جی اسپیکٹرم کی نیلامی کردی گئی
فائیو جی سپیکٹرم کی نیلامی
اسلام آباد (ڈیلی پاکستان آن لائن) پاکستان میں فائیو جی سپیکٹرم کے 480 میگا ہرٹز 50 کروڑ 70 لاکھ ڈالرز میں نیلام کر دیے گئے، جبکہ نیلامی کا عمل دو روز بعد (جمعرات کو) مکمل ہو گا۔
یہ بھی پڑھیں: لاہور میں سموگ کی شدت کب تک برقرار رہے گی؟ موسمیاتی ماہرین نے بتا دیا
نیلامی کا آغاز
منگل کو پاکستان ٹیلی کمیunikیشن اتھارٹی (پی ٹی اے) نے اسلام آباد میں فائیو جی سپیکٹرم نیلامی کا باقاعدہ آغاز کرتے ہوئے 597 میگاہرٹز میں سے 480 میگاہرٹز سپیکٹرم فروخت کر دیے۔
یہ بھی پڑھیں: اوور ہیڈ برجز کے نیچے صفائی، گرین بیلٹ اور پلے ایریاز بنائے جائیں
ٹیلی کام آپریٹرز کا کردار
ٹیلی کام آپرئٹرز جاز، زونگ اور یوفون نے نیکسٹ جنریشن کی موبائل سروسز متعارف کرانے اور ڈیجیٹل رابطے کو وسعت دینے کے لیے فریکوئنسیز حاصل کیں۔
یہ بھی پڑھیں: پاکپتن میں بھی ٹریفک قوانین کی خلاف ورزیوں پر بڑے پیمانے پر کریک ڈاؤن ،عوام پکڑ دھکڑ اور مقدمات سے نالاں ہیں : سماجی حلقے
سب سے بڑا خریدار
اس نیلامی میں جاز سب سے بڑا خریدار بن کر سامنے آیا ہے، جس نے 190 میگا ہرٹز خریدے جبکہ یوفون نے 180 اور زونگ نے 110 میگا ہرٹز سپیکٹرم خریدے۔
یہ بھی پڑھیں: ویڈیو: گوندل کی UPVC شیٹ، درجہ حرارت میں 15 ڈگری سینٹی گریڈ تک کمی، حیرت انگیز ٹیکنالوجی
جاز کی فائیو جی تیاری
جاز کے سی ای او عامر ابراہیم نے تقریب سے خطاب میں کہا کہ ’اگر پی ٹی اے اجازت دیتا ہے تو کل سے شروع ہونے والی 180 جاز سائٹس فائیو جی کے لیے تیار ہیں اور فائیو جی ٹیکنالوجی کے استعمال کے انتظار میں ہیں۔‘
انٹرنیٹ صارفین کی تعداد
پاکستان کے ادارہ برائے شماریات کے مطابق ملک میں تقریبا 15 کروڑ انٹرنیٹ صارفین ہیں۔ یہ تعداد سال 2019 سے دوگنا ہے، لیکن اس کے باوجود صارفین کو اکثر رفتار اور استحکام کے مسائل کا سامنا کرنا پڑتا ہے۔
