پنجاب یونیورسٹی میں آیت اللہ خامنہ ای شہید کے حوالے سے تعزیتی ریفرنس، ایرانی قونصل جنرل مھران موحدفر اور اہم شخصیات کا خطاب

تعزیتی ریفرنس کی تقریب

لاہور (ڈیلی پاکستان آن لائن) پنجاب یونیورسٹی میں ایران کے سپریم لیڈر آیت اللہ خامنہ ای کے حوالے سے تعزیتی ریفرنس کا انعقاد کیا گیا جس میں مختلف مذہبی، تعلیمی اور سماجی شخصیات نے شرکت کی۔

یہ بھی پڑھیں: کینیڈا میں کپل شرما کے کیفے پر فائرنگ

مہمانوں کی شرکت

تقریب کی صدارت ایران کے قونصل مھران موحدفر نے کی جبکہ دیگر مہمانوں میں پنجاب یونیورسٹی کے پرو وائس چانسلر پروفیسر ڈاکٹر خالد محمود، چیئرمین اسلامی نظریاتی کونسل علامہ ڈاکٹر راغب حسین نعیمی، نائب امیر جماعت اسلامی لیاقت بلوچ، ادارہ منہاج الحسین لاہور کے علامہ ڈاکٹر محمد حسین اکبر، ایرانی کلچر سینٹر لاہور کے ڈائریکٹر جنرل ڈاکٹر اصغر مسعودی، اکیڈمک سٹاف ایسوسی ایشن کے صدر پروفیسر ڈاکٹر امجد عباس خان مگسی اور سیکرٹری پروفیسر ڈاکٹر کامران عابد سمیت اساتذہ، طلباء، میڈیا اور سول سوسائٹی کے افراد کی بڑی تعداد نے شرکت کی۔

یہ بھی پڑھیں: حریم شاہ اور ہمایوں سعید کی پرانی ویڈیو وائرل

ایرانی قونصل جنرل کا خطاب

تقریب کا انعقاد اکیڈمک سٹاف ایسوسی ایشن پنجاب یونیورسٹی کی جانب سے کیا گیا، تقریب سے خطاب کرتے ہوئے ایرانی قونصل جنرل مھران موحدفر نے کہا کہ سپریم لیڈر کو قتل کرنے کی کوشش تاریخ کا ایک سنگین جرم ہے جو تمام قانونی، اخلاقی اور انسانی اصولوں کی کھلی خلاف ورزی ہے۔

یہ بھی پڑھیں: عالمی مارکیٹ میں سونے کی قیمت 4700 ڈالر کی بلند ترین سطح کو چھو گئی

ایران کی امن کی خواہش

انہوں نے مزید کہا کہ ایران کا ایٹم بم بنانے کا کوئی ارادہ نہیں، لیکن اس کے ایٹمی پروگرام کو بہانہ بنا کر جنگ کا ماحول پیدا کیا جا رہا ہے۔ انہوں نے امریکہ کے ساتھ اپنے تجربات کا ذکر کیا اور کہا کہ اسرائیل کا اصل مقصد توانائی کی منڈیوں پر قبضہ کرنا ہے۔

یہ بھی پڑھیں: واٹس ایپ نے ایک نئے جدید فیچر کو متعارف کروا دیا ، صارفین کا اہم مسئلہ حل ہو گیا

علاقائی صورت حال

مھران موحدفر نے کہا کہ خلیج فارس کے عرب ممالک ہمارے ہمسائے اور برادر اسلامی ممالک ہیں اور ایران صرف دشمن کے اڈوں کو نشانہ بنا رہا ہے۔ جنگ ہمارا انتخاب نہیں بلکہ بقاء کی جنگ ہے اور دفاع کا طریقہ ہم خود منتخب کریں گے۔

یہ بھی پڑھیں: جدہ کرکٹ کلب کے کھلاڑیوں کے لیے نئے ٹریک سوٹس کی تقریب رونمائی، عقیل آرائیں کا خصوصی اعلان

مسلم اُمہ کی متحدہ حیثیت

پرو وائس چانسلر ڈاکٹر خالد محمود نے کہا کہ مسلم اُمہ کو باہمی اختلافات بھلا کر ایک قوم بننے کی ضرورت ہے۔ اگر امت مسلمہ متحد ہو کر اپنے دشمنوں کا مقابلہ کرے تو اسی میں اس کی بقاء اور طاقت ہے۔

اختتامی کلمات

تقریب کے اختتام پر اکیڈمک سٹاف ایسوسی ایشن کے سیکرٹری پروفیسر ڈاکٹر کامران عابد نے کہا کہ پاکستانی عوام، پنجاب یونیورسٹی کے اساتذہ اور طلباء ایران کے عوام کے ساتھ کھڑے ہیں۔ انہوں نے قونصل جنرل کے ذریعے تعزیتی پیغام ایران کی قیادت اور شہید سپریم کمانڈر آیت اللہ خامنہ ای کے لواحقین تک پہنچایا۔