لاہور میں یوم علی کا مرکزی جلوس مبارک حویلی سے برآمد ہوکر اپنے روایتی راستوں پر رواں دواں

یوم علی کا مرکزی جلوس

لاہور(ڈیلی پاکستان آن لائن) لاہور میں یوم علی کا مرکزی جلوس مبارک حویلی سے برآمد ہوکر اپنے روایتی راستوں پر رواں دواں ہے۔

یہ بھی پڑھیں: معروف نعت خواں تابندہ لاری انتقال کرگئیں

سیکیورٹی انتظامات

نجی ٹی وی سما نیوز کے مطابق جلوس کربلا گامے شاہ پہنچ کراختتام پذیر ہوگا، 9 ہزار سے زائد اہلکار جلوس کی سیکیورٹی پر تعینات ہیں۔ جلوس کے روٹ اور ملحقہ شاہراہوں پر کنٹینرز لگا کر عام ٹریفک کا داخلہ بند کردیا گیا ہے جبکہ شہریوں کی رہنمائی کے لیے ٹریفک ایڈوائزری بھی جاری کی گئی ہے۔

یہ بھی پڑھیں: وزیر تعلیم کا مختلف اضلاع میں خیمہ سکولوں کا دورہ، بچوں میں کھلونے اور تحائف تقسیم کیے۔

ٹریفک کی ہدایات

پولیس حکام کا کہنا ہے کہ سرکلر روڈ، اکبری گیٹ، لوہاری گیٹ، موچی گیٹ کی جانب عام ٹریفک کا داخلہ بند ہے، شہری غیر ضروری طورپر اندرون شہر کے راستوں پر آنے سے گریز کریں۔ جلوس کے اختتام تک شہری متبادل روٹس استعمال کریں۔

کیمروں کی مانیٹرنگ

پولیس کے مطابق سیف سٹی کیمروں کی مدد سے براہ راست مانیٹرنگ جاری ہے، جلوس کے اختتام تک اہلکار ڈیوٹی پوائنٹس پر موجود رہیں گے۔