صحافی زاہد گشکوری نے حکومت کی کفایت شعاری پالیسی کا پردہ چاک کردیا

حکومت کی کفایت شعاری پالیسی کا پردہ چاک

اسلام آباد (ڈیلی پاکستان آن لائن) صحافی زاہد گشکوری نے حکومت کی کفایت شعاری پالیسی کا پردہ چاک کردیا۔

یہ بھی پڑھیں: مون سون بارشیں: ملک بھر میں 49 بچوں سمیت 104 شہری جاں بحق، 413 گھر تباہ ہوئے

آئینی عہدے پر براجمان شخصیت کی سرکاری گاڑی

صحافی زاہد گشکوری نے انکشاف کیا ہے کہ آئینی عہدے پر براجمان شخصیت نے 14 کروڑ روپے کی سرکاری گاڑی بک کرائی ہے جبکہ حکومت نے کفایت شعاری پالیسی کے تحت کسی بھی قسم کی گاڑی خریدنے پر پابندی لگا رکھی ہے، لیکن اس شخصیت کو باقاعدہ گاڑی امپورٹ کرنے کی اجازت دلوائی گئی ہے۔ وزارت خزانہ نے اس کی اجازت بھی دی ہے۔

یہ بھی پڑھیں: ستاروں کی روشنی میں آپ کا آج (منگل) کا دن کیسا رہے گا ؟

حکومتی اخراجات کا تضاد

زاہد گشکوری کا کہنا تھا کہ ایک طرف 10 ارب روپے کا جہاز جو پنجاب حکومت نے خریدا، دوسری جانب وفاقی حکومت میں آئینی عہدہ رکھنے والی شخصیت نے 14 کروڑ روپے کی گاڑی امپورٹ کروائی ہے۔

یہ بھی پڑھیں: جیکب آباد میں غیرت کے نام پر ملزم نے بھابھی اور نوجوان کو قتل کردیا

کفایت شعاری پالیسی کا عملی نفاذ

ان کا کہنا تھا کہ اسی طرح پچھلے 5 سال میں پنجاب میں 7 ارب روپے کی نئی گاڑیاں خریدی گئی ہیں جبکہ حکومت کفایت شعاری پالیسی کی بات کرتی ہے۔ وفاقی حکومت میں بھی 4 ارب کی گاڑیاں خریدی گئی ہیں، جو مختلف وفاقی اداروں کی جانب سے خریدی گئی ہیں۔ دیگر صوبائی حکومتوں نے بھی نئی گاڑیاں خریدی ہیں۔

سیاستدانوں اور سرکاری افسران کا رویہ

معروف صحافی کا کہنا تھا کہ حکومت کی کفایت شعاری پالیسی صرف کاغذوں کی حد تک ہے جبکہ عملی طور پر کوئی واضح اقدامات نظر نہیں آتے۔ سرکاری افسران گاڑیاں استعمال بھی کر رہے ہیں اور ساتھ پیٹرول بھی لے رہے ہیں۔ ان کا کہنا تھا کہ تمام لوگ ایسا نہیں کرتے لیکن 70 فیصد افسران ایسا ہی کرتے ہیں اور کوئی ان کو پوچھنے والا نہیں۔