سعود بن عزیز کے تایا طویل علالت کے بعد لاہور میں انتقال کر گئے

وفات کی خبر

لندن (نمائندہ خصوصی) معروف کالم نگار، تجزیہ نگار اور تھنک ٹینکس سے وابستہ شخصیت سعود بن عزیز کے تایا عاصم بن عزیز گزشتہ روز لاہور میں طویل علالت کے بعد انتقال کر گئے۔

یہ بھی پڑھیں: ترکیہ کی درخواست، پاکستان طالبان سے مذاکرات دوبارہ شروع کرنے پر رضامند

عاصم بن عزیز کی زندگی

مرحوم عاصم بن عزیز سابق وزیراعظم Shehbaz Sharif کے سابق میڈیا کوآرڈینیٹر اور معروف شاعر و ادیب شعیب بن عزیز کے بھائی تھے۔ انہوں نے Pakistan Atomic Energy Commission میں بطور چیف انجینئر خدمات انجام دیں اور قومی سطح کے کئی اہم منصوبوں میں کلیدی کردار ادا کیا۔ عاصم بن عزیز پاکستان کے نامور ایٹمی سائنسدان Dr. Abdul Qadeer Khan اور Dr. Samar Mubarakmand کی ٹیموں کے ساتھ بھی کام کرتے رہے اور ملک کے دفاعی اور سائنسی پروگرام میں نمایاں خدمات انجام دیں۔ ان خدمات کے اعتراف میں انہیں حکومتِ پاکستان کی جانب سے متعدد اعزازات اور ایوارڈز سے بھی نوازا گیا۔ مرحوم کو ایک نہایت مخلص، باصلاحیت اور محب وطن شخصیت کے طور پر جانا جاتا تھا جو ہمیشہ پاکستان کے مفاد اور ترقی کے حوالے سے فکرمند رہتے تھے۔

کمیونٹی کا ردعمل

ان کے بھتیجے سعود بن عزیز اس وقت جرمنی میں مقیم ہیں اور اوورسیز پاکستانی کمیونٹی میں ایک متحرک کردار ادا کرتے ہوئے پاکستان کے حق میں مؤثر لابنگ اور کمیونٹی سرگرمیوں میں پیش پیش رہتے ہیں۔ عاصم بن عزیز کے انتقال کی خبر سن کر یورپ اور برطانیہ میں مقیم اوورسیز پاکستانیوں میں گہرے رنج و غم کی لہر دوڑ گئی۔ کمیونٹی کے افراد کا کہنا ہے کہ مرحوم کی وفات سے ایک ایسا خلا پیدا ہوگیا ہے جو شاید کبھی پُر نہ ہو سکے گا۔ انہوں نے اپنی شخصیت، کردار، اخلاق اور محبت سے معاشرے میں مثبت کردار ادا کیا۔ کمیونٹی کے افراد نے مرحوم کے اہل خانہ خصوصاً شعیب بن عزیز اور دیگر اہلِ خانہ سے تعزیت کا اظہار کرتے ہوئے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور لواحقین کو صبر جمیل عطا کرے۔ آمین