وزیر خارجہ اسحاق دار کا کویت کے وزیرِ خارجہ شیخ جراح جابر الاحمد الصباح سے ٹیلیفونک رابطہ
نائب وزیرِاعظم کی گفتگو
اسلام آباد (ڈیلی پاکستان آن لائن) نائب وزیرِاعظم و وزیرِ خارجہ سینیٹر محمد اسحاق ڈار نے کویت کے وزیرِ خارجہ شیخ جراح جابر الاحمد الصباح سے ٹیلیفون پر گفتگو کی۔
یہ بھی پڑھیں: مشہور اداکار انور علی کا انتقال
خطے کی تازہ صورتحال پر تشویش
دفتر خارجہ کی جانب سے جاری بیان کے مطابق دونوں رہنماؤں نے خطے میں حالیہ پیش رفت بشمول کویت پر ہونے والے حملوں پر گہری تشویش کا اظہار کیا۔
یہ بھی پڑھیں: ایران کے خلاف جنگ کے بعد کیوبا میں حکومت کی تبدیلی بھی وقت کا سوال ہے: ٹرمپ
پاکستان کی یکجہتی کا اظہار
نائب وزیرِاعظم نے کویت کی قیادت اور عوام کے ساتھ پاکستان کی یکجہتی کا اظہار کیا اور خطے میں امن و استحکام کے فروغ کےلئے فوری طور پر مذاکرات اور کشیدگی میں کمی کی ضرورت پر زور دیا۔
اقوامِ متحدہ کی بات چیت
گفتگو کے دوران اقوامِ متحدہ کی سلامتی کونسل میں زیرِ غور امور پر بھی تبادلۂ خیال کیا گیا۔ فریقین نے پاکستان اور کویت کے درمیان تاریخی اور برادرانہ تعلقات کا اعادہ کیا۔
