وفاقی کابینہ کی نجکاری کمیٹی کا اجلاس، پی آئی اے نجکاری عمل میں فوجی فرٹیلائزر کمپنی کو اضافی کنسورشیم رکن بنانےکی منظوری دے دی
وفاقی کابینہ کی نجکاری کمیٹی کا اجلاس
اسلام آباد(ڈیلی پاکستان آن لائن) وفاقی کابینہ کی نجکاری کمیٹی کے اجلاس میں قومی ائیرلائن (پی آئی اے) کی نجکاری سے متعلق اہم پیش رفت سامنے آئی ہے۔
یہ بھی پڑھیں: پاکستان اور ترکیہ صرف اتحادی نہیں ایمان، ثقافت اور تاریخ میں جُڑے بھائی ہیں :وزیراعلیٰ مریم نواز کی ترکیہ کے سفیر عرفان نذیراوغلو سے ملاقات، اہم امور پر گفتگو
اجلاس کی تفصیلات
نائب وزیر اعظم اسحاق ڈار کی زیر صدارت کابینہ کمیٹی برائے نجکاری کا اجلاس ہوا۔ اجلاس میں وزرائے خزانہ، توانائی، وزیر مملکت خزانہ، مشیر نجکاری اور اعلیٰ حکام نے شرکت کی۔ اجلاس میں قومی ائیرلائن کی نجکاری عمل میں فوجی فرٹیلائزر کمپنی کو اضافی کنسورشیم رکن بنانےکی منظوری دے دی گئی۔
یہ بھی پڑھیں: بھارت سے آنے والا سیلابی پانی اپنے ساتھ کیا کچھ لایا۔۔۔؟ جان کر آپ حیران رہ جائیں
فوجی فرٹیلائزر کمپنی کی شمولیت
جیونیوز کے مطابق، فوجی فرٹیلائزر کمپنی قومی ائیرلائن ایکویٹی لمیٹڈ کے 33.99 فیصد عام حصص کی سبسکرپشن کرےگی۔ عارف حبیب کارپوریشن کنسورشیم کی لیڈ کمپنی برقرار رہےگی۔ کامیاب بولی دہندہ کی قائم کردہ خصوصی کمپنی کے ذریعے قومی ائیرلائن میں سرمایہ کاری کی جائےگی۔
حتمی منظوری کا عمل
نجکاری کمیٹی کا فیصلہ حتمی منظوری کے لیے وفاقی کابینہ کو بھجوایا جائےگا۔
