مشرق وسطیٰ میں سول آبادی پر حملے فوری بند کیے جائیں،طاقت کا استعمال ہمیشہ نفرت کو تقویت دیتا ہے:چینی مندوب

چینی مندوب کا بیان

نیو یارک (مانیٹرنگ ڈیسک) اقوام متحدہ کی سلامتی کونسل میں چینی مندوب نے کہا ہے کہ مشرق وسطیٰ میں سول آبادی پر حملے فوری بند کیے جائیں۔ جنگ نہیں ہونی چاہیے تھی، فوجی کاروائیاں فوری بند کی جائیں۔ جنگ کسی کے مفاد میں نہیں، طاقت کا استعمال مسائل کا حل نہیں۔ طاقت کا استعمال ہمیشہ نفرت کو تقویت دیتا ہے۔

یہ بھی پڑھیں: صدر مملکت آصف زرداری اور اماراتی نائب صدر شیخ محمد بن راشد المکتوم کی ملاقات۔

روس کی قرارداد کا ویٹو

علاوہ ازیں اقوام متحدہ کی سلامتی کونسل میں روس کی جانب سے پیش کردہ قرارداد منظور نہ ہو سکی۔ امریکہ نے روس کی جنگ بندی کی قرارداد ویٹو کر دی۔

یہ بھی پڑھیں: اللہ جانے موت کہاں مر گئی خمارؔ….

ایران کے خلاف حملے کی مذمت

سلامتی کونسل میں روسی مندوب نے کہا کہ ایران پر حملے فوری بند کیے جائیں، کسی ملک کی شہری آبادی پر حملہ نا قابل قبول ہے۔ ایران کیخلاف منظور کی گئی قرارداد جانبدار ہے۔ امریکہ اور اسرائیل کے ایران پر حملے سے مشرق وسطیٰ کی صورتحال خراب ہوئی۔