سی ڈی اے میں پلاٹس کی مشتبہ الاٹمنٹ، قومی خزانے کو ایک ارب کے نقصان کا انکشاف
سی ڈی اے میں مشتبہ پلاٹس کی الاٹمنٹ کی تحقیقات
اسلام آ باد (ڈیلی پاکستان آن لائن) کیپٹل ڈیولپمنٹ اتھارٹی (سی ڈی اے) میں پلاٹس کی مشتبہ الاٹمنٹ کے نتیجے میں قومی خزانے کو ایک ارب روپے کا نقصان پہنچنے کا انکشاف ہوا ہے۔
یہ بھی پڑھیں: وزیر آباد بیٹے کو بچانے کے لیے سیلابی ریلے میں کودنے والی ماں جاں بحق
پبلک اکاؤنٹس کمیٹی کا اجلاس
نجی ٹی وی چینل ایکسپریس نیوز کے مطابق، پبلک اکاؤنٹس کمیٹی کا اجلاس شاہدہ گل کی سربراہی میں منعقد ہوا، جہاں کیپٹل ڈیولپمنٹ اتھارٹی کے بڑے سکینڈل سے متعلق ڈی جی ایف آئی اے نے کمیٹی کو بریفنگ دی۔
یہ بھی پڑھیں: 9 مئی ہنگامہ آرائی کیس؛ عمر ایوب اور زرتاج گل کی عبوری ضمانتوں میں 17 جنوری تک توسیع
نقصان کی تفصیلات
اجلاس میں بتایا گیا کہ 43 پلاٹس کی مشتبہ الاٹمنٹ کے باعث قومی خزانے کو ایک ارب روپے سے زائد نقصان پہنچا ہے۔ اسلام آباد کے مختلف سیکٹرز میں 43 پلاٹس کی الاٹمنٹ پر سنگین بے ضابطگیوں کی نشاندہی کی گئی، جبکہ آڈٹ رپورٹ میں سی ڈی اے کی لینڈ اینڈ ری ہیبلیٹی ٹیشن ڈائریکٹوریٹ پر بھی سوالات اٹھائے گئے ہیں۔
یہ بھی پڑھیں: مریم نواز خود کو اور پاپا کو زبردستی ہیرو بنانے کی ناکام کوشش کر رہی ہیں: بیرسٹر سیف
تحقیقات اور گرفتاریوں کی معلومات
ڈی جی ایف آئی اے نے کمیٹی کو گرفتار افراد کے خلاف کی جانے والی کارروائی کی تفصیلات فراہم کیں، اور بتایا کہ اس کیس میں ایک ارب روپے سے زائد کی تحقیقات کی جا رہی ہیں۔ اب تک 4 ایڈیشنل سیکرٹریز اور 7 ڈپٹی ڈائریکٹرز سمیت 20 سے زائد افراد کو گرفتار کیا جا چکا ہے۔
یہ بھی پڑھیں: وزیراعظم کی چیف جسٹس کا عہدہ سنبھالنے پرجسٹس یحییٰ آفریدی کو مبارکباد
ملزمان کی تعداد اور کیس کی تفصیلات
ڈی جی ایف آئی اے نے مزید بتایا کہ اس کیس میں مجموعی طور پر 57 ملزمان کے خلاف کارروائی جاری ہے، جن میں سے 46 گرفتار ہیں۔ تقریباً 37 افراد کے خلاف مقدمات جاری ہیں، جو اس وقت ضمانت پر ہیں۔ ملوث افراد کے مختلف سیکٹرز میں قیمتی پلاٹس بھی قبضے میں لے لیے گئے ہیں، اور ان کے خلاف منی لانڈرنگ کے کیس بھی شروع کر دیے گئے ہیں۔
یہ بھی پڑھیں: ایران اور اسرائیل کے درمیان جنگ بندی پر اتفاق ہوگیا:ڈونلڈ ٹرمپ
آڈٹ رپورٹ کی تفصیلات
آڈٹ رپورٹ میں 43 پلاٹس کی الاٹمنٹ میں قواعد و ضوابط کی خلاف ورزی کی گئی۔ آڈٹ ٹیم کو 41 پلاٹس کی فائلیں ریکارڈ روم سے دستیاب نہیں ہو سکیں، جبکہ صرف 2 پلاٹس کی فائلیں آڈٹ حکام کو فراہم کی جا سکیں۔
یہ بھی پڑھیں: زہران ممدانی کے بارے وہ باتیں جو آپ نہیں جانتے، BBC سامنے لے آیا
سی ڈی اے کی بے ضابطگیوں پر سوالات
آڈٹ حکام نے سی ڈی اے کی مبینہ بے ضابطگیوں پر جون 2023 میں اعتراض بھی اٹھایا تھا۔ اجلاس کے دوران، شاہدہ گل نے استفسار کیا کہ سی ڈی اے اس معاملے پر کیا کر رہا ہے۔ طارق فضل چوہدری نے کہا کہ ایک ایک کنال زمین کا معاوضہ 18 سال بعد 8 لاکھ روپے دیا جا رہا ہے۔
یہ بھی پڑھیں: اسرائیل نے شام میں اپنی فوج تعینات کردی
جعلی چیک اور قبضے کے معاملات
ڈی جی ایف آئی اے نے بتایا کہ کروڑوں روپے کے جعلی چیک بنائے گئے، یتیم افراد کی زمین پر قبضہ کیا گیا۔ فوت شدہ افراد کے نام پر 6 کروڑ چیک بنا کر تقسیم کیے گئے، اور تقریباً 30 کروڑ کی رقم جعلی افراد کو دی گئی۔
سی ڈی اے کی کارروائیاں
بلال مندوخیل نے کہا کہ سی ڈی اے نے یہ تمام کام کیے ہیں، جب سی ڈی اے یہ چیک بنا رہا تھا تو کوئی دیکھنے والا نہیں تھا؟ جس پر چیئرمین سی ڈی اے نے کہا کہ تمام ملوث افراد کے خلاف کریمنل کیس درج ہیں اور گرفتاریوں کا عمل جاری ہے۔
