کمزور اور مستحق طبقات کی فلاح و بہبود کو یقینی بنائیں گے: صوبائی وزیر سوشل ویلفیئر سہیل شوکت بٹ

اجلاس کی تفصیلات

لاہور (ڈیلی پاکستان آن لائن) صوبائی وزیر سوشل ویلفیئر و بیت المال سہیل شوکت بٹ کی زیر صدارت محکمہ سوشل ویلفیئر میں ایک اہم اجلاس ہوا جس میں سالانہ ترقیاتی پروگرام 2026-27 پر تفصیلی مشاورت کی گئی۔ اجلاس کے دوران صوبائی وزیر نے سالانہ ترقیاتی پروگرام کے فائنل ڈرافٹ کی منظوری بھی دے دی۔

یہ بھی پڑھیں: کشتی والے سیلاب سے لوگوں کو نکالنے کا فی کس 10 ہزار روپے لے رہے ہیں: اسد اللہ خان

شرکاء کی بریفنگ

اجلاس میں سیکرٹری سوشل ویلفیئر سائرہ عمر نے مجوزہ ترقیاتی منصوبوں اور ترجیحات کے حوالے سے شرکاء کو تفصیلی بریفنگ دی۔ اس موقع پر ڈائریکٹر جنرل سوشل ویلفیئر و بیت المال ڈاکٹر شہنشاہ فیصل عظیم سمیت محکمہ کے دیگر ڈائریکٹرز بھی شریک ہوئے۔

یہ بھی پڑھیں: پاکستان میں امریکی سفارتخانے نے تمام ویزا اپائنمنٹس منسوخ کردی

وزیر کی گفتگو

صوبائی وزیر سہیل شوکت بٹ نے اجلاس سے خطاب کرتے ہوئے کہا کہ وزیراعلیٰ پنجاب مریم نواز کی قیادت میں سوشل ویلفیئر کے ترقیاتی منصوبے معاشرے کے کمزور اور مستحق طبقات کی فلاح و بہبود کو یقینی بنائیں گے۔ حکومت نادار اور محروم طبقات کی بہتری کے لیے عملی اقدامات کر رہی ہے۔

نئے مالی سال کے ارادے

انہوں نے مزید کہا کہ نئے مالی سال میں فلاحی منصوبوں کو مزید مؤثر اور نتیجہ خیز بنایا جائے گا جبکہ سوشل ویلفیئر کے اداروں کی بہتری اور عوامی سہولیات میں اضافہ حکومت کی اولین ترجیح ہے۔