عمران خان کو نجی اسپتال منتقل کرنے کی درخواست مسترد، میڈیکل بورڈ بنانے کا حکم

اسلام آباد ہائیکورٹ کا فیصلہ

اسلام آباد (ڈیلی پاکستان آن لائن) اسلام آباد ہائیکورٹ نے عمران خان کو نجی ہسپتال منتقلی کی درخواست مسترد کرتے ہوئے میڈیکل بورڈ تشکیل دینے کا حکم دیا۔

یہ بھی پڑھیں: اے اللہ، فلسطین میں ہمارے بھائیوں کی بھوک، مصائب اور تکالیف کا خاتمہ فرما، خطبہ حج میں دعا

درخواست کی سماعت

اسلام آباد ہائیکورٹ میں عمران خان کی نجی ہسپتال منتقلی کی درخواست پر سماعت ہوئی جس دوران جسٹس ارباب طاہر نے وکیل درخواست گزار سے کہا کہ ہم نے گوگل بھی کیا تھا، ڈاکٹر ندیم قریشی بہترین ریٹینا اسپیشلسٹ ہیں، آپ ان کو شفا انٹرنیشنل ہسپتال منتقل کرکے ٹیسٹ کرلیں۔

یہ بھی پڑھیں: پاکستان انٹرنیشنل سکول ریاض کی نئی عمارت کا افتتاح کردیا گیا

عدالت کی ہدایت

عدالت نے کہا کہ ہم یہ نہیں کہیں گے کہ تین دن یا تین ماہ رکھیں، آپ اس ساری ذمہ داری لے رہے ہیں۔ اگر کل کچھ ہو گیا تو کیا آپ ذمہ داری لیں گے؟ ایڈووکیٹ جنرل ایاز شوکت نے جواب دیا کہ ہم ذمہ داری لیں گے۔

یہ بھی پڑھیں: پی او ایف ہیڈآفس میں اجلاس، اوورسیز پاکستانیوں کو سرکاری خدمات تک فوری رسائی ملے گی، گفتگو

فیصلہ محفوظ

عدالت نے عمران خان کی جیل سے نجی ہسپتال منتقلی کی درخواست پر فیصلہ محفوظ کیا جو کچھ دیر بعد سناتے ہوئے استدعا مسترد کردی۔

یہ بھی پڑھیں: پاکستان میں یومیہ 1200 روپے سے کم کمانے والے افراد اب غریب تصور ہوں گے، عالمی بینک

میڈیکل بورڈ کی تشکیل

عدالت نے چیف کمشنر کو میڈیکل بورڈ تشکیل دینے کا حکم دیا جس میں ڈاکٹر عارف اور ڈاکٹر ندیم قریشی کو بھی شامل کرنے کا حکم دیا گیا ہے۔ عدالت نے کہا کہ میڈیکل بورڈ فیصلہ کرے گا کہ عمران خان کو ہسپتال منتقل کرنا ہے یا نہیں۔

فیملی کو آگاہ کرنے کی ہدایت

اسلام آباد ہائیکورٹ نے جیل رولز کے مطابق فیملی کو آگاہ کرنے کی ہدایت کرتے ہوئے کہا کہ ڈاکٹر ندیم قریشی فیملی کے ساتھ رابطے میں رہیں۔