خراب کارکردگی پر ڈسکوز کے افسران کیخلاف کارروائی کا حکم، بجلی صارفین کی شکایات کے ازالے کیلئے نیا ضابطہ کار جاری
نیا ضابطہ کار جاری
اسلام آباد (ڈیلی پاکستان آن لائن) وفاقی وزیر اویس لغاری نے بجلی کے صارفین کی شکایات کے ازالے کے لیے نیا ضابطہ کار جاری کر دیا۔
یہ بھی پڑھیں: دبئی میں 41 بھکاری گرفتار، ان سے کتنے پیسے برآمد ہوئے؟ تہلکہ خیز انکشاف
خراب کارکردگی پر کارروائی
اسلام آباد پاور ڈویژن کے مطابق وفاقی وزیر نے خراب کارکردگی پر ڈسکوز کے افسران کے خلاف کارروائی کا حکم دیا ہے۔
یہ بھی پڑھیں: دہشتگردوں کا اسلام سے کوئی تعلق نہیں،وفاقی اور صوبائی حکومتیں اور عوام ملکر شکست دیں گے،عطا اللہ تارڑ
پرفارمنس انڈیکیشن
پاور ڈویژن کے اعلامیہ کے مطابق ہر ماہ خراب اور بہترین کارکردگی والے سب ڈویژنز کی نشاندہی ہوگی۔ 118 سمارٹ کال سینٹر صارفین کے لیے ون ونڈو سروس قرار دے دیا گیا ہے۔ 5 ماہ میں 118 پر 20 لاکھ سے زائد کالز موصول ہوئیں، اور 118 پر موصول 96 فیصد سے زائد کالز کامیابی سے ہینڈل کی گئیں۔ بجلی کے صارفین کی 24 لاکھ سے زائد شکایات درج ہوئیں، جن میں 99.49 فیصد بجلی شکایات کا ازالہ کر دیا گیا۔
یہ بھی پڑھیں: ریونیو میں اضافے کے لیے پی آئی اے کا ریاض ایئر کے ساتھ تاریخی کارگو معاہدہ
شکایات کا تجزیہ
اعلامیہ میں مزید کہا گیا ہے کہ لیسکو میں سب سے زیادہ 10 لاکھ سے زائد شکایات درج ہوئیں، جبکہ میپکو میں 6 لاکھ سے زائد شکایات کا ازالہ کیا گیا۔ فیسکو اور گیپکو کی کارکردگی بھی 99 فیصد سے زائد رہی۔ وفاقی وزیر نے ڈسکوز کو 118 سروس عوام میں متعارف کرانے کی ہدایت کی۔
یہ بھی پڑھیں: صاحب کے ساتھ ڈیوٹی کرتے نہ تو ہمارے کان ہیں، نہ آنکھیں اور نہ ہی زبان
وزیر کا نوٹس
وفاقی وزیر اویس لغاری نے پیسکو، سیپکو، حیسکو اور کیسکو کے کم شکایات کے اندراج پر نوٹس جاری کیا۔ پانچ کمپنیوں کو 118 سروس صارفین میں متعارف کرانے کی ہدایت کی گئی۔
کسٹمر سروس ڈائریکٹرز کی ذمہ داری
وفاقی وزیر اویس لغاری نے کہا کہ تمام ڈسکوز کے کسٹمر سروس ڈائریکٹرز ذمہ دار ٹھہرائے جائیں گے۔
