پاکستان کے لیے سب سے بڑا معاشی موقع: اشرافیہ جو ملک چھوڑ گئی ہے، ان کے لیے عام معافی کا اعلان کیا جائے، مشاہد حسین سید
پاکستان کی معیشت کا موقع
اسلام آباد(ڈیلی پاکستان آن لائن) سابق سینیٹر، سینئر تجزیہ کار مشاہد حسین سید نے کہا ہے کہ پاکستان کے لیے اس وقت سب سے بڑا معاشی موقع ہے۔ جو پاکستان کا اشرافیہ ملک چھوڑ کر چلا گیا ہے، پیسہ چاہے حلال ہو یا حرام، جائز ہو یا ناجائز، سرمایہ کاری واپس لانے پر ان کے لیے عام معافی کا اعلان کیا جائے۔
یہ بھی پڑھیں: حکومت مستقبل میں بجلی نہیں خریدے گی: اویس لغاری
سرمایہ کاری کی واپسی
اینکرپرسن عاصمہ شیرازی کے پروگرام ’’فیصلہ آپ کا‘‘ میں گفتگو کرتے ہوئے مشاہد حسین سید کا کہنا تھا کہ اشرافیہ سے کہا جائے کہ اپنا پیسہ پاکستان واپس لے آئیں۔ آپ کو کچھ نہیں کہا جائے گا، بشرطیکہ آپ اپنے ملک میں سرمایہ کاری کریں۔ سینئر تجزیہ کار نے کہا کہ آپ کو نہ آئی ایم ایف کی ضرورت ہو گی، نہ کسی سے بھیک مانگنے کی، 20 سے 25 ارب ڈالر تو فوراً ملک میں آ جائے گا۔
یہ بھی پڑھیں: اس وقت ملک خطرے میں ہے، اس خطے میں جو فیصلے ہورہے ہیں ایک نئی جنگ کی بنیاد رکھی جارہی ہے، اسد قیصر
پاکستانیوں کی سرمایہ کاری
مشاہد حسین سید کا کہنا تھا کہ ڈان اخبار نے خبر دی ہے کہ 3 سالوں میں 20 ہزار پاکستانیوں نے 12 ارب ڈالر دبئی میں انویسٹ کیے ہیں۔ یہ 3 سال کی سرمایہ کاری تھی۔ اگر 10 ارب ڈالر بھی ہو جائیں تو آپ ایک ایک ارب ڈالر کے لیے بھاگتے ہیں۔
یہ بھی پڑھیں: چین میں تعلیم سے چین میں تدریس تک، پاکستانی اساتذہ کی محنت اور جذبے نے چینی طلباء کے دل جیت لیے
عالمی تعلقات کی مضبوطی
ان کا کہنا تھا کہ سیکیورٹی کے نقطۂ نظر سے پاکستان کے ساتھ اعتماد کا رشتہ ہے۔ بڑی اسلامی قوت کے طور پر ہمیں اپنے اتحادی مضبوط کرنے چاہئیں، خاص طور پر ترکی، ایران، سعودی عرب، قطر اور باقی ممالک سے ہمارے اچھے تعلقات ہیں۔ اوورسیز پاکستانیوں کا لیبر کا مسئلہ بھی حل کریں۔
معاشی چیلنجز کا حل
سینئر تجزیہ کار کا کہنا تھا کہ پھر ہمیں بھی کہنا چاہیے کہ جناب ہم تیار ہیں، ون وے ٹریفک نہیں ہونی چاہیے، ہمیں بھی یہ چیزیں چاہئیں۔ کیونکہ ہمارا کمزور پوائنٹ معیشت ہے اور روزگار کا مسئلہ ہے، اس کو ٹھیک کیا جائے۔
مشاہد حسین سید:
پاکستان کے لیے اس وقت سب سے بڑی معاشی موقع ہے۔۔ ترکی ایران، سعودی عرب، قطر، کے ساتھ تعلقات مثالی بنائیں۔ جو لوگ پاکستان سے پیسہ باہر لے گئے، حلال یا حرام۔۔ ان سب کو عام معافی دیں اور شرط رکھیں پیسہ واپس لائیں۔ پاکستان میں 25 ارب ڈالر آ سکتا ہے۔ @Mushahid… pic.twitter.com/9b7QFPsHKp— Asma Shirazi (@asmashirazi) March 12, 2026
