تیز ہواؤں اور گرج چمک کے ساتھ بارش کی پیشگوئی

موسمیاتی پیشگوئی

اسلام آباد(ڈیلی پاکستان آن لائن) محکمہ موسمیات نے مختلف شہروں میں تیز ہواؤں اور گرج چمک کے ساتھ بارش کی پیشگوئی کردی۔

یہ بھی پڑھیں: 27ویں ترمیم کی افواہیں،”اسی دن ہمیں پتہ چلے گا جب رات کو 12بجے اٹھا کر میاں صاحب کو اسمبلی پہنچادیاجائے گا:اطہر کاظمی

مغربی ہواؤں کا اثر

نجی ٹی وی سما نیوز کے مطابق حکام کے مطابق ہفتہ کی شام کو مغربی ہواؤں کا ایک سلسلہ ملک کے شمال مغربی حصے میں داخل ہوگا۔ ویک اینڈ کے دوران ملک کے بالائی علاقوں میں تیز ہواؤں اور گرج چمک کے ساتھ بارش کا امکان ہے۔

یہ بھی پڑھیں: وزیراعلیٰ مریم نواز سے سبکدوش ہونے والے ورلڈ بنک کے کنٹری ڈائریکٹر ناجے بن حسین کی ملاقات

بارش اور ژالہ باری کی توقعات

بیان کے مطابق 14 سے 16 مارچ کے دوران خیبر پختونخوا کے بالائی علاقوں میں بارش اور ژالہ باری متوقع ہے، گلگت بلتستان اور کشمیر کے کچھ علاقوں میں بھی بارش اور ژالہ باری کا امکان ہے۔

یہ بھی پڑھیں: سیالکوٹ؛سرکاری ہسپتال کے آپریشن تھیٹر سے لڑکی کی 3 دن پرانی برہنہ لاش برآمد

دیگر متاثرہ علاقے

محکمہ موسمیات کے مطابق اس عرصے کے دوران اسلام آباد، راولپنڈی، وسطی اور جنوبی پنجاب کے مختلف علاقوں میں بھی بارش اور ژالہ باری ہوسکتی ہے۔

یہ بھی پڑھیں: راولپنڈی پولیس کی بڑی کارروائی، شہر سے 56غیر قانونی مقیم افغان باشندوں کو حراست میں لے لیا

آنے والے مغربی ہواؤں کا سلسلہ

محکمہ موسمیات کا کہنا ہے کہ مغربی ہواؤں کا ایک اور سلسلہ سترہ مارچ کی رات کو ملک کے مغربی علاقوں میں داخل ہونے کا امکان ہے جس سے مزید بارشوں کا سلسلہ شروع ہو سکتا ہے۔

عیدالفطر کی پیشگوئی

دوسری جانب سپارکو نے شوال کے چاند سے متعلق پیشگوئی کرتے ہوئے کہا ہے کہ 19 مارچ کو شوال کا چاند نظر آنے کا امکان نہیں ہے، جس کے باعث عیدالفطر ممکنہ طور پر 21 مارچ کو ہو گی۔