اسلام آباد ایئرپورٹ بند ہونے کی خبریں بے بنیاد قرار

اسلام آباد کی فضائی حدود کی صورتحال

اسلام آباد (ڈیلی پاکستان آن لائن) پاکستان ایئرپورٹس اتھارٹی نے اسلام آباد کی فضائی حدود بند ہونے سے متعلق سوشل میڈیا پر گردش کرنے والی خبروں کو بے بنیاد قرار دے دیا ہے۔

یہ بھی پڑھیں: خیبرپختونخوا میں گورنر راج لگانے کی افواہوں پر مولانا فضل الرحمان نے واضح اعلان کر دیا

فلائٹ آپریشن جاری

اتھارٹی کے مطابق اسلام آباد انٹرنیشنل ایئرپورٹ پر فلائٹ آپریشن مکمل طور پر معمول کے مطابق جاری ہے اور تمام پروازیں اپنے شیڈول کے مطابق روانہ اور لینڈ کر رہی ہیں۔

یہ بھی پڑھیں: سیکرٹری اطلاعات پنجاب کی جانب سے سابق ڈی جی پی آر غلام صغیر شاہد کے اعزاز میں الوداعی تقریب

غلط اطلاعات کی وضاحت

ترجمان نے واضح کیا کہ اسلام آباد کی فضائی حدود بھی کھلی ہے اور اس حوالے سے پھیلائی جانے والی اطلاعات درست نہیں ہیں۔

یہ بھی پڑھیں: جنرل ساحر شمشاد کا نیول ہیڈکوارٹرز کا الوداعی دورہ، ایڈمرل نوید اشرف سے ملاقات

عوامی اپیل

اتھارٹی نے عوام سے اپیل کی ہے کہ وہ غیر مصدقہ اور گمراہ کن خبروں پر توجہ نہ دیں اور درست معلومات کے لیے پاکستان ایئرپورٹس اتھارٹی کے سرکاری ذرائع سے رجوع کریں۔

سوشل میڈیا پر دعوے

واضح رہے کہ سوشل میڈیا پر یہ دعویٰ کیا جا رہا تھا کہ افغانستان کی جانب سے ڈرون حملہ کیا گیا جس کے باعث اسلام آباد ایئرپورٹ کو عارضی طور پر بند کر دیا گیا۔ بعض پوسٹس میں یہ بھی کہا گیا کہ فیض آباد انٹرچینج کے قریب دفاعی نظام نے دو ڈرونز کو تباہ کیا، تاہم حکام کے مطابق ان دعوؤں کی کوئی تصدیق نہیں ہوئی۔