دنیا کو پریشان ہونے کی ضرورت نہیں،ایران پر آج سب سے سخت حملےہوں گے، ہم نہیں رکیں گے: امریکی وزیر دفاع

امریکی وزیر دفاع کا بیان

واشنگٹن (مانیٹرنگ ڈیسک) امریکی وزیر دفاع پیٹ ہیگسیتھ نے کہا ہے کہ دنیا کو پریشان ہونے کی ضرورت نہیں، ایران پر آج سب سے سخت حملے ہوں گے، ہم نہیں رکیں گے۔

یہ بھی پڑھیں: پاکستان سوشل سینٹر شارجہ میں متحدہ عرب امارات کا 54 واں عید الاتحاد تزک و احتشام کے ساتھ منایا گیا

ایرانی فوجی صلاحیتوں پر حملے

تفصیلات کے مطابق، پیٹ ہیگسیتھ کا کہنا ہے کہ ایرانی رجیم کے رہنما زیر زمین جا چکے ہیں، آج سب سے سخت حملے ہوں گے، دنیا کو آبنائے ہرمز میں جاری واقعات کے بارے میں پریشان ہونے کی ضرورت نہیں۔ انہوں نے ایران کے خلاف جاری فوجی کارروائیوں کے حوالے سے بڑا دعویٰ کیا اور کہا کہ مشترکہ امریکی-اسرائیلی حملوں نے ایران کی فوجی صلاحیت کو شدید نقصان پہنچایا ہے۔ اب تک 15 ہزار سے زیادہ ایرانی فوجی اہداف کو نشانہ بنایا جا چکا ہے۔ ایران پر روزانہ اوسطاً ایک ہزار سے زیادہ حملے کیے جا رہے ہیں، جو کہ امریکی اور اسرائیلی فضائیہ نے مل کر انجام دیئے ہیں۔ ان حملوں کے بعد ایران کی فوجی طاقت نمایاں طور پر کمزور ہو چکی ہے۔

یہ بھی پڑھیں: پہلگام واقعہ، وزیراعظم پاکستان نے بھارت کو غیرجانبدارانہ تحقیقات کی پیشکش کردی

ایران کی فضائی دفاعی حالت

امریکی وزیر دفاع نے کہا کہ ایران کے فضائی دفاعی نظام تقریباً ختم ہو چکے ہیں، اور ایران کے پاس مؤثر فضائیہ اور بحریہ باقی نہیں رہی۔ میزائل حملوں کی قابلیت میں 90 فیصد کمی آئی ہے، جبکہ ڈرون حملوں میں 95 فیصد کمی دیکھی گئی ہے۔ امریکہ اور اسرائیل کا مقصد ایران کی تمام اہم فوجی صلاحیتوں کو مکمل طور پر تباہ یا غیر فعال کرنا ہے، اور جلد ہی ایران کی دفاعی صنعت سے وابستہ کمپنیوں کو بھی نشانہ بنایا جائے گا۔

جوائنٹ چیئرمین کا بیان

امریکی چیئرمین جوائنٹ چیفس آف سٹاف کا کہنا ہے کہ ایران پر حملوں کا آج 14 واں دن ہے۔ دو ہفتے سے کم عرصے میں ہم نے ایرانی بحریہ کو غیر فعال کر دیا ہے۔ ایران اب بھی فرینڈلی فورسز اور کمرشل شپنگ کو نقصان پہنچانے کی صلاحیت رکھتا ہے، اور آبنائے ہرمز کے اثرات کا ذمہ دار ایران ہے۔ سینٹ کام ان کی کوششوں پر حملہ کرے گا۔