آئی ٹی کے سفر کو جاری رکھیں گے، کامران ٹیسوری کا اعلان

ویڈیو پیغام کا آغاز

کراچی (ویب ڈیسک) سابق گورنر سندھ نے آئی ٹی کے شعبے میں زیر تعلیم بچوں کے لیے ویڈیو پیغام جاری کردیا اور کہا کہ اس سفر کو جاری رکھیں گے اور اگر اپنا گھر بیچنا پڑا تو بیچ دیں گے۔

یہ بھی پڑھیں: ممبئی ایئرپورٹ پر بوئنگ 737طیارے کو کارگو ٹرک نے ٹکر مار دی

پیغام کی تفصیلات

اپنے ویڈیو پیغام میں کامران ٹیسوری کا کہنا تھا کہ 12 ربیع الاول کو گورنر بنا تھا، آج جمعہ الوداع (گزشتہ روز) کو ہم جارہے ہیں۔ گورنر ہاوس میں پچاس ہزار بچے پڑھ رہے تھے، آپ لوگوں نے حوصلہ نہیں ہارنا۔ میں ہر ایک کے لیے دستیاب ہوں، اس سفر کو جاری رکھیں گے۔ اپنا گھر بھی بیچنا پڑا تو بیچ کر آئی ٹی کے سفر جاری رکھیں گے۔ کسی نے مایوس نہیں ہونا، میں آپ لوگوں کے ساتھ رابطے میں رہوں گا، سفر رکے گا نہیں، آگے بڑھیں گے۔

ٹوئٹر پر پیغام

میں آئی ٹی کے بچوں سے کہتا ہوں کہ قطعی مایوس نا ہونا، مجھے اپنا گھر بیچ کر بھی آپ سب کے کورسز پورے کرانے پڑے میں کراؤں گا۔ اپنے بچوں کے لیئے IT Hub بنانے کا جو خواب دیکھا تھا، وہ پورا کرکے دکھائیں گے۔ pic.twitter.com/wjwZUqk8zD

— Kamran Tessori (@KamranTessoriPk) March 13, 2026