وزارت اطلاعات و نشریات نے افغان طالبان رجیم کے ایک اور جھوٹ کا پردہ فاش کر دیا

افغان طالبان کی جھوٹ کا پردہ فاش

اسلام آباد(ڈیلی پاکستان آن لائن) افغان طالبان رجیم کی نام نہاد وزارت دفاع کا بے بنیاد جھوٹ و پروپیگنڈا ایک مرتبہ پھر سے بے نقاب ہوگیا۔

یہ بھی پڑھیں: چاند پر خلابازوں کے فضلے کا کیا کیا جائے؟NASA نے حل بتانے والے کیلئے بھاری رقم کی پیشکش کردی

افغان طالبان کے دعوے بے بنیاد ہیں

افغان طالبان رجیم کی جانب سے پاکستانی پوسٹوں پر قبضوں کے دعوؤں اور نقصانات کے پیش کردہ اعشاریوں میں بالکل بھی صداقت نہیں، یہ افغان عوام کو بے وقوف بنانے کیلئے گھڑی گئی جھوٹی کہانیاں ہیں جو پہلے سے ہی دہشت گردوں کی پشت پناہی کرنے والے افغان طالبان رجیم کی وجہ سے تکلیفیں اٹھارہی ہے۔

یہ بھی پڑھیں: دھی رانی پروجیکٹ کا ویب پورٹل تیار،ہیلپ لائن پر بھی رابطہ ممکن،کس عمر کے سائلین شمولیت کے اہل ہیں ؟ جانیے

وزارت اطلاعات کا وضاحت نامہ

وزارت اطلاعات و نشریات کی جانب سے جاری بیان میں کہا گیا ہے کہ وزارت اطلاعات و نشریات افغان طالبان اور ان کی پراکسی فتنہ الخوارج کے نقصانات پر بروقت و باقاعدگی سے تفصیلات پیش کر رہی ہے جہاں ضروری ہو وہاں ساتھ تصاویر اور ویڈیو بھی میڈیا کو فراہم کی جا رہی ہے اور افغان طالبان رجیم کی طرح جھوٹے پروپیگنڈے کا سہارا نہیں لیا جا رہا۔

دہشت گردوں کے ٹھکانے نشانہ بنائے جا رہے ہیں

بیان میں مزید کہا گیا ہے کہ افغانستان کے اندر دہشت گردوں کے ٹھکانوں کو نشانہ بنانے کی مصدقہ اطلاعات میڈیا کو بروقت فراہم کی جا رہی ہیں۔ افغانستان طالبان رجیم کے بار بار کئے جانے والے جھوٹے دعوے ایک دیوانے کا خواب ہیں جو صرف افغان طالبان رجیم اور بھارتی سوشل میڈیا اکاؤنٹس پر موجود ہیں اور حقیقت سے ان کا کوئی تعلق نہیں۔

Another false claim by Afghan Taliban Regime has been exposed by @FactCheckerMoIB

These false claims have no basis or foundation.

On the other hand, all the damages and losses being incurred by the Afghan Taliban and their extension Fitna Al Khawarij are updated by Ministry… https://t.co/96rR1iDA6d

— Attaullah Tarar (@TararAttaullah) March 14, 2026