ایران کی جانب سے حملہ، متحدہ عرب امارات کے فضائی دفاع نے مزید 9 بیلسٹک میزائل اور 33 ڈرون تباہ کر دیئے

ایرانی جارحیت کا جواب

ابوظہبی(ڈیلی پاکستان آن لائن) متحدہ عرب امارات کے فضائی دفاعی نظام نے ایران کی جانب سے داغے گئے 9 بیلسٹک میزائل اور 33 ڈرونز کو کامیابی سے تباہ کر دیا۔

یہ بھی پڑھیں: 30 سال بعد بچھڑے ہوئے بیٹے کی گھر واپسی، لیکن کچھ ہی روز میں ایسا انکشاف کہ پورے گھر میں خوف کی لہر دوڑ گئی

اماراتی فضائی دفاع کا ریکارڈ

وزارتِ دفاع کے مطابق ایرانی جارحیت کے آغاز سے اب تک اماراتی فضائی دفاعی نظام مجموعی طور پر 294 بیلسٹک میزائل، 15 کروز میزائل اور تقریباً 1600 ڈرونز کو ناکارہ بنا چکا ہے۔

یہ بھی پڑھیں: ڈپٹی کمشنر لاہورنے 6 سے 8 فروری بسنت فیسٹیول کا ضابطہ اخلاق جاری کر دیا

حملوں کا انسانی نقصان

ان حملوں کے نتیجے میں اماراتی، پاکستانی، نیپالی اور بنگلہ دیشی شہریوں سمیت 6 افراد جاں بحق ہوئے، جبکہ مختلف ممالک سے تعلق رکھنے والے 141 افراد زخمی ہوئے جن کی حالت معمولی سے درمیانی نوعیت کی بتائی گئی ہے۔ زخمیوں میں متحدہ عرب امارات، مصر، سوڈان، ایتھوپیا، فلپائن، پاکستان، ایران، بھارت، بنگلہ دیش، سری لنکا، آذربائیجان، یمن، یوگنڈا، اریٹیریا، لبنان، افغانستان، بحرین، کوموروس، ترکیہ، عراق، نیپال، نائجیریا، عمان، اردن، فلسطین، گھانا، انڈونیشیا اور سویڈن کے شہری شامل ہیں۔

دفاعی تیاریوں کا بیان

وزارتِ دفاع نے اپنے بیان میں کہا ہے کہ ملکی افواج کسی بھی ممکنہ خطرے سے نمٹنے کے لیے مکمل طور پر تیار ہیں اور ریاست کی سلامتی کو نقصان پہنچانے کی ہر کوشش کا بھرپور جواب دیا جائے گا۔ بیان میں مزید کہا گیا کہ ملک کی خودمختاری، سلامتی اور استحکام کے تحفظ کے لیے تمام ضروری اقدامات جاری رکھے جائیں گے۔

UAE air defences engage 9 ballistic missiles, 33 UAVs.

The UAE air defence systems on 14th March engaged 9 ballistic missiles and 33 UAVs launched from Iran.

Since the onsets of the blatant Iranian aggression, UAE air defences have engaged 294 ballistic missiles, 15 cruise… pic.twitter.com/22bLu5vdHH

— وزارة الدفاع |MOD UAE (@modgovae) March 14, 2026