دنیا بھر میں مسلمانوں کے خلاف نفرت اور تعصب کے خاتمے کی ضرورت ہے: صدر زرداری

اسلام آباد میں صدر زرداری کا بیان

اسلام آباد(ڈیلی پاکستان آن لائن) صدر مملکت آصف علی زرداری کا کہنا ہے دنیا بھر میں مسلمانوں کے خلاف نفرت اور تعصب کے خاتمے کی ضرورت ہے۔

یہ بھی پڑھیں: گوجرانوالہ؛ پادری کے قتل کا ڈراپ سین، بیوی اور آشنا ماسٹر مائنڈ نکلے

اسلاموفوبیا کے خلاف پیغام

اسلاموفوبیا کے تدارک کے عالمی دن پر اپنے پیغام میں صدر مملکت آصف علی زرداری نے کہا کہ اسلام امن، ہمدردی اور انصاف کا دین ہے, اسلام کو انتہا پسندی سے جوڑنا لاعلمی کی عکاسی ہے۔

یہ بھی پڑھیں: باتیں اور دعوے آسان ہیں، کام کے لیے باہر نکلنا پڑتا ہے، تنقید کرنے والوں کی بے بسی سمجھتی ہوں، وزیراعلیٰ مریم نواز

عالمی برادری کی ذمہ داری

انہوں نے کہا کہ عالمی برادری نفرت انگیز جرائم کے خلاف قانونی تحفظ کو مضبوط بنائے۔ اظہارِ رائے کی آزادی کو نفرت پھیلانے کے لیئے استعمال نہیں ہونا چاہیے۔ مذہبی تنوع کے احترام اور بین المذاہب ہم آہنگی کو فروغ دینا بھی ضروری ہے۔

یہ بھی پڑھیں: افغانستان کا ایران میں ہونے والے خصوصی علاقائی اجلاس میں شرکت سے انکار

کرائسٹ چرچ سانحہ اور پاکستانی کمیونٹی

صدر پاکستان کا کہنا تھا کہ کرائسٹ چرچ سانحہ انسانیت کے ضمیر کو جھنجھوڑنے والا واقعہ تھا۔ پاکستان اسلاموفوبیا کے خلاف عالمی فورمز پر مسلسل آواز اٹھاتا رہا ہے۔ بیرون ملک پاکستانی معاشروں کی ترقی میں اہم کردار ادا کر رہے ہیں، جبکہ مسلمانوں کے خلاف تعصب ان کے تحفظ کو متاثر کرتا ہے۔

یہ بھی پڑھیں: رواں برس سعودی عرب میں 100 غیر ملکیوں کو سزائے موت، کتنے پاکستانی شامل؟

اقلیتوں کے حقوق کا تحفظ

ان کا کہنا ہے کہ پاکستان میں اقلیتوں کو مساوی حقوق اور مواقع فراہم کیے جا رہے ہیں۔ اقلیتوں کے حقوق کے تحفظ کے لیے آزاد قومی کمیشن قائم کیا جا رہا ہے۔

بین الاقوامی تعاون کی ضرورت

آصف علی زرداری کا کہنا تھا کہ عالمی برادری تعصب کے خاتمے اور مکالمے کے فروغ کے لیے مل کر کام کرے۔ مذہبی عقائد کا احترام اور مساوی قانونی تحفظ عالمی ذمہ داری ہے۔