گجرات میں وزارت خارجہ کے 2 اہلکاروں کی کرائے کی رہائش گاہ پر مبینہ واردات، چوروں نے 40 لاکھ روپے سے زائد کی رقم لوٹ لی

چوری کی حیرت انگیز واردات

گجرات (ویب ڈیسک) سول لائنز پولیس کی حدود میں چوروں نے وزارت خارجہ کے دو اہلکاروں کے کرائے کے گھر سے 40 لاکھ روپے سے زائد رقم چوری کر لیے۔

یہ بھی پڑھیں: وزیر خارجہ اسحاق ڈار ڈی 8 سمٹ میں شرکت کیلئے قاہرہ روانہ

شکایت کا اندراج

ڈان نیوز کے مطابق وزارت خارجہ کے ایک اہلکار، عامر شوکت، جو بہاری پور، ڈسکہ کے رہنے والے ہیں، نے پولیس کو شکایت درج کرائی کہ وہ اپنے ساتھی عرفان احمد کے ساتھ، جی ٹی روڈ پر جٹّوکل محلے کے قریب عمر سٹریٹ میں کرائے کے مکان میں مقیم تھا۔ جمعرات کو وہ عرفان کے ساتھ دفتر میں کام پر گیا ہوا تھا اور جب واپس آیا تو گھر کے دروازے اور کھڑکیاں کھلی ہوئی تھیں اور اس میں توڑ پھوڑ کی گئی تھی۔

یہ بھی پڑھیں: پاکستان میں امریکی سفارتخانے نے تمام ویزا اپائنمنٹس منسوخ کردی

چوری کی تفصیلات

انہیں معلوم ہوا کہ 40 لاکھ روپے کی نقدی جو تین مختلف مقامات پر چھپائی گئی تھی چور لے گئے ہیں۔ ایف آئی آر کے مطابق چوروں نے الماری سے 25 لاکھ روپے، عامر کے کمرے کے گدے کے نیچے سے 7 لاکھ روپے اور عرفان علی کی الماری سے 8 لاکھ 61 ہزار روپے چوری کر لیے۔ بتایا گیا ہے کہ شکایت کنندہ وزارت خارجہ کا گریڈ فور کا ملازم ہے۔

عوامی سوالات اور بدعنوانی کے الزامات

نچلے درجے کے ملازمین کی کرائے کی رہائش گاہ سے بھاری نقد رقم کی چوری نے عوامی سطح پر سوالات اور ایک بحث کو جنم دیدیا ہے کہ اتنی بھاری رقم ایک چھوٹے سے ملازم کے گھر کیسے موجود تھی۔ شہری طویل عرصے سے وزارت خزانہ کے دفتر کے ارد گرد سرگرم پرائیویٹ ایجنٹوں کے ذریعے دستاویزات کی تصدیق میں بڑے پیمانے پر بدعنوانی کے بارے میں شکایت کر رہے ہیں۔