ایران کے خلاف جنگ میں امریکا کتنے ارب ڈالر لگا چکا ہے؟ ٹی وی پروگرام میں انکشاف

امریکا کی ایران کے خلاف جنگ کا مالی بوجھ

واشنگٹن(ڈیلی پاکستان آن لائن) ایران کے خلاف جاری جنگ امریکا کے لیے مہنگی پڑنے لگی ہے اور اب تک اس جنگ پر 12 ارب ڈالر خرچ ہو چکے ہیں جبکہ امریکی حکام نے حملوں میں مزید شدت لانے کا عندیہ دے دیا ہے۔

یہ بھی پڑھیں: تعلیم اور ہنر مندی کے فروغ کے ذریعے نوجوان نسل کو بااختیار بنایا جائے گا: مجتبیٰ شجاع الرحمان

امریکی حکام کی تفصیلات

وائٹ ہاؤس کی نیشنل اکنامک کونسل کے ڈائریکٹر کیون ہیسیٹ نے امریکی ٹی وی پروگرام فیس دی نیشن میں انکشاف کیا کہ امریکا نے 28 فروری سے ایران کے خلاف شروع ہونے والی جنگ میں اب تک تقریباً 12 ارب ڈالر خرچ کیے ہیں۔

جنگ کی ابتدائی لاگت

پروگرام کی میزبان مارگریٹ برینن نے نشاندہی کی کہ جنگ کے پہلے ہی ہفتے میں صرف ہتھیاروں پر 5 ارب ڈالر سے زیادہ خرچ ہو چکے تھے، تاہم کیون ہیسیٹ اس سوال کا واضح جواب نہ دے سکے۔