ٹرمپ کی آبنائے ہرمز معاملے پر مدد کی درخواست پر چین کا ردِعمل

چین کا جواب: امریکہ کی مدد کی درخواست

بیجنگ (ڈیلی پاکستان آن لائن) امریکی صدر ڈونلڈ ٹرمپ کی آبنائے ہرمز معاملے پر مدد کی درخواست پر چین کا ردِعمل سامنے آ گیا۔

یہ بھی پڑھیں: اواب علوی کو طیارے سے آف لوڈ کرنے کیخلاف درخواست پر ایف آئی اے نے تحریری جواب جمع کرادیا

چینی وزارتِ خارجہ کا بیان

روزنامہ جنگ کے مطابق اس حوالے سے ترجمان چینی وزارتِ خارجہ کا کہنا ہے کہ آبنائے ہرمز کی موجودہ صورتِ حال پر تمام فریقین کے ساتھ رابطے میں ہیں، چین خطے میں کشیدگی کم کرنے کی حمایت کرتا ہے۔

یہ بھی پڑھیں: پاکستان سپر لیگ کے لیے نئی فرنچائزز کی بیس پرائز کیا ہوگی؟ تفصیلات سامنے آگئیں۔

تنازع کے پُرامن حل کی ضرورت

انہوں نے کہا کہ چین تنازع کے پُرامن حل اور کشیدگی میں کمی کے لیے کام کر رہا ہے، تمام فریقین سے اپیل ہے کہ فوری جنگ بندی کریں تاکہ صورتِ حال مزید خراب نہ ہو۔

یہ بھی پڑھیں: سندھ بھر میں روایتی جوش و جذبے کے ساتھ کلچر ڈے منایا جا رہا ہے

امریکی صدر کا دورۂ چین

ترجمان کا کہنا ہے کہ امریکی صدر کے دورۂ چین سے متعلق دونوں ممالک کے درمیان رابطے جاری ہیں، سربراہانِ مملکت کی سفارتکاری امریکا اور چین تعلقات کی رہنمائی میں اہم کردار ادا کرتی ہے۔

یہ بھی پڑھیں: وزیراعظم کے سیاسی مشیر رانا ثناء اللّٰہ 250 ووٹ لے کر سینیٹر منتخب

ٹرمپ کی عالمی مدد کی اپیل

واضح رہے کہ ٹرمپ نے ہفتے کے روز آبنائے ہُرمُز کھولنے کے لیے چین سمیت دنیا بھر سے مدد طلب کی تھی اور امید ظاہر کی تھی کہ چین کے ساتھ ساتھ فرانس، جاپان، جنوبی کوریا، برطانیہ اور دیگر ملک بھی اپنے جنگی جہاز آبنائے ہُرمُز بھیجیں گے۔

یہ بھی پڑھیں: ایکس پر عمران خان کے بارے میں لکھنے پر پوسٹ کی رسائی محدود کردی جاتی ہے، جمائمہ خان

دنیا کی خاموشی

دوسری جانب آبنائے ہرمز کھلوانے کے لیے ٹرمپ کی مدد کی اپیل پر دنیا خاموش رہی، جبکہ جاپان نے اپنے بحری جہاز بھیجنے سے انکار کر دیا، چین بھی ٹرمپ کے مطالبے پر خاموش رہا۔

جنوبی کوریا اور دیگر ممالک کا ردِعمل

جنوبی کوریا کا کہنا تھا کہ ٹرمپ کی اپیل پڑھ لی ہے اور صورتِ حال کا قریب سے جائزہ لے رہے ہیں جبکہ فرانس اور برطانیہ خطے میں اپنے بحری جہاز بھیجنے سے انکار کر چکے ہیں۔