کفایت شعاری مہم : پنجاب کابینہ کا پہلا مکمل ویڈیو لنک اجلاس، وزراء اور افسران کی آن لائن شرکت،عوامی مفادات کے برعکس کوئی اقدام قبول نہیں: وزیراعلیٰ مریم نواز
پنجاب کابینہ کا ویڈیو لنک اجلاس
لاہور (ڈیلی پاکستان آن لائن) وزیراعلیٰ پنجاب مریم نواز کی زیر صدارت پنجاب کابینہ کا پہلا ویڈیولنک اجلاس ہوا۔ اجلاس میں کفایت شعاری مہم کے تحت تمام وزراء اور افسران نے ویڈیو لنک کے ذریعے کابینہ اجلاس میں شرکت کی۔
یہ بھی پڑھیں: مغرور شہزادی کی حقیقت: جب غرور کا بت ٹوٹا اور عشق کا چراغ روشن ہوا
رمضان نگہبان پیکج پر اظہار تشکر
صوبائی کابینہ نے ماہ رمضان میں رمضان نگہبان پیکج پروگرام کی کامیاب تکمیل پر اظہار تشکر کیا۔ وزیراعلیٰ مریم نواز اور صوبائی کابینہ نے ضلعی انتظامیہ، پولیس، پنجاب بینک اور تمام متعلقہ حکام کو رمضان نگہبان پیکج کی کامیابی پر شاباش دی۔
یہ بھی پڑھیں: فیصل واوڈا: اداروں پر الزام لگانے والوں کا منہ کالا ہوا
کفایت شعاری پروگرام کا آغاز
کفایت شعاری پروگرام کے تحت صوبائی کابینہ ارکان، معاون خصوصی، پارلیمانی سیکرٹریز 2 ماہ کی تنخواہ وزیراعظم کفایت فنڈ میں دیں گے۔ پنجاب اسمبلی کے ارکان 2 ماہ تنخواہ اور الاؤنسز کا 25 فیصد وزیراعظم کفایت فنڈ میں رضاکارانہ طور پر دیں گے۔
یہ بھی پڑھیں: وزیر اعلیٰ مریم نواز کا بیجنگ میں مصروفیت سے بھرپور دن، دورے، اہم ملاقاتیں، ظہرانہ، تعلقات کے فروغ کیلئے جڑواں شہروں اور صوبوں کی تجویز، چینی سرمایہ کاری کیلئے بھرپور تعاون کی پیشکش
فنڈز کی منظوری
صوبائی کابینہ نے گریڈ 17 اور اوپر کے تمام سرکاری افسران کی طرف سے 2 دن کی بنیادی تنخواہ کفایت فنڈ میں دینے کی منظوری دی۔ پنجاب بھر میں الیکٹرک بسوں کے لئے بس سٹاپ شیلٹرز بنانے کیلئے فنڈز کی منظوری دی گئی۔
یہ بھی پڑھیں: اب پاکستان فرسٹ نہیں سیکیورٹی فرسٹ ہوگا، اہم میٹنگ میں بڑے فیصلے کرلیے گئے، اینکر محمد مالک کا دعویٰ
تعلیمی اور صحت کے منصوبے
اجلاس میں مری میں خصوصی بچوں کے لئے سپیشل ایجوکیشن مڈل سکول کی سٹیٹ آف دی آرٹ بلڈنگ کی تعمیر کی منظوری دے دی گئی۔ نیز، وزیراعلیٰ مریم نواز نے سکولوں میں بھرتیوں پر پابندی میں نرمی کی منظوری دی۔
یہ بھی پڑھیں: حسین شہید سہروردی کے پہلے دورۂ چین سے دوستی کا آغاز ہوا، چو این لائی نے پاکستان کا جوابی دورہ کیا، اس عشرے کا دوسرا اہم کام اقتصادی منصوبہ بندی تھا۔
سیلاب سے تحفظ اور تعمیرات
اجلاس میں ضلع قصور کے سرحدی علاقوں میں دفاعی بند کی تعمیر و مرمت کے لئے اضافی فنڈز کی فراہمی کی منظوری دی گئی۔ دریائے جہلم سے مری کے لئے واٹر سپلائی سکیموں کے مسائل حل کرنے کی بھی منظوری دی گئی۔
یہ بھی پڑھیں: چیف جسٹس یحییٰ آفریدی نے 28 اکتوبر کو فل کورٹ اجلاس بلا لیا
اجلاس کے دیگر فیصلے
اجلاس میں پنجاب انفورسمنٹ اینڈ ریگولیشن ایکٹ 2024، یواین ایف ای اے اور دیگر معاملات کی منظوری دی گئی۔ اس کے علاوہ، مختلف اداروں کے لئے گرانٹ ان ایڈ کی بھی توثیق کی گئی۔
اجلاس کی توثیق
اجلاس میں صوبائی کابینہ کے 32ویں اجلاس کی کارروائی کی توثیق کی منظوری دی گئی۔ کیبنٹ سٹینڈنگ کمیٹی برائے آئینی امور و نجکاری کے اجلاس کی کارروائی کی بھی توثیق کی گئی۔
