وزیر داخلہ محسن نقوی اور وزیر اعلیٰ بلوچستان میر سرفراز بگٹی کی زیر صدارت امن و امان سے متعلق اعلیٰ سطحی اجلاس، اہم امور پر تفصیلی بریفنگ

اجلاس کا آغاز

کوئٹہ (ڈیلی پاکستان آن لائن) وفاقی وزیر داخلہ محسن نقوی اور وزیر اعلیٰ بلوچستان میر سرفراز بگٹی کی زیر صدارت امن و امان سے متعلق اعلیٰ سطحی اجلاس ہوا۔ اجلاس میں وفاقی و صوبائی اداروں کے اعلیٰ حکام نے شرکت کی۔ اجلاس میں امن و امان، افغان مہاجرین کی واپسی، حوالہ ہنڈی اور بھتہ خوری، سمگلنگ کے خاتمے سمیت اہم امور پر تفصیلی بریفنگ دی گئی۔

یہ بھی پڑھیں: رواں سال پاکستان کی سعودی عرب سے درآمدات میں کمی

اجلاس میں اہم شخصیات کی شرکت

یہ بھی پڑھیں: کاروباری شخص سے 137 کروڑ روپے کا کالا دھن برآمد، 50 کلو سونا شامل

بریفیگ کی تفصیلات

چیئرمین نادرا، ڈی جی ایف آئی اے، ڈی جی این سی سی آئی اور آئی جی فیڈرل کانسٹیبلری نے اجلاس کو متعلقہ امور پر بریفنگ دی۔ اجلاس میں بلوچستان میں امن و استحکام کے قیام کے لیے فیڈرل کانسٹیبلری کی خدمات حاصل کرنے کا فیصلہ کیا گیا۔ پہلے مرحلے میں فیڈرل کانسٹیبلری کے 2 ونگز پر مشتمل تقریباً 3 ہزار اہلکار تعینات کیے جائیں گے۔

یہ بھی پڑھیں: فوج کی مضبوط گرفت کی وجہ سے افغانستان سے سمگلنگ صفر ہوئی، وزیراعظم شہبازشریف

ایف آئی اے کی فعال سازی

اجلاس میں یہ فیصلہ بھی کیا گیا کہ بلوچستان میں ایف آئی اے کو مزید فعال بنایا جائے گا اور تمام خالی اسامیوں پر مقامی افراد کی بھرتی کی جائے گی۔ اجلاس میں ریاست مخالف سرگرمیوں کی مانیٹرنگ کو مؤثر بنانے پر اتفاق کیا گیا اور ریاست کے خلاف سوشل میڈیا پر بے بنیاد پروپیگنڈوں میں ملوث عناصر کے خلاف کارروائیاں تیز کرنے کا فیصلہ کیا گیا۔

یہ بھی پڑھیں: وفاقی بیوروکریسی میں تقرر و تبادلے

حکومت کا تعاون

اجلاس میں وفاقی حکومت کی جانب سے بلوچستان حکومت کو ہر ممکن تعاون کی یقین دہانی کرائی گئی۔ وزیر داخلہ محسن نقوی نے کہا کہ بلوچستان پولیس کی پیشہ ورانہ استعداد کار میں اضافے کے لیے ہر ممکن تعاون فراہم کریں گے۔ بلوچستان کے حالات سے مکمل آگاہ ہیں اور امن کے قیام کے لیے ہر ممکن معاونت کریں گے۔

یہ بھی پڑھیں: مجھے اداکارہ منسا ملک کی جانب سے قتل کی دھمکیاں دی جا رہی ہیں، علیزے شاہ کا دعویٰ

وزیر اعلیٰ کا عزم

وزیر اعلیٰ بلوچستان میر سرفراز بگٹی نے کہا کہ دہشت گردی کے خاتمے کے لیے پوری قوت اور عزم کے ساتھ مقابلہ کر رہے ہیں۔ دہشت گردی کے خلاف جنگ صرف سیکیورٹی فورسز نہیں بلکہ پوری قوم کی مشترکہ جنگ ہے۔ روز اول واضح کرچکے کہ ریاست کی عمل داری ہر صورت یقینی بنائیں گے۔

یہ بھی پڑھیں: میں ادھار رکھنے والا انسان نہیں، اپنی تقریرمیں بھارتی سپریم کورٹ بار کے وکیل کے جواب میں کہا برابری کی سطح پر تعلقات آگے بڑھائے جا سکتے ہیں

امن کی بحالی کی کوششیں

آج بلوچستان کی کوئی شاہراہ احتجاج کے نام پر بند نہیں ہوتی، بحالی امن کے لیے وفاقی حکومت کی معاونت کو سراہتے ہیں۔

قومی یکجہتی کا عزم

وزیر داخلہ محسن نقوی اور وزیر اعلیٰ بلوچستان میر سرفراز بگٹی نے اس عزم کا اظہار کیا کہ قومی یکجہتی سے دہشت گردی کو شکست دیں گے۔