کراچی میں ایف آئی اے کی بینظیر انکم سپورٹ پروگرام کے دفتر پر کارروائی، کیا کچھ تحویل میں لے لیا؟ جانیے

کراچی (ڈیلی پاکستان آن لائن) میں ایف آئی اے نے بینظیر انکم سپورٹ پروگرام ملیر اور کورنگی کے دفاتر پر کارروائی کرتے ہوئے متعدد اہم ریکارڈ اور شواہد تحویل میں لے لیے۔

کرپشن کی تحقیقات

''جیو نیوز'' کے مطابق ترجمان ایف آئی اے نے بتایا کہ یہ کارروائی پروگرام میں مبینہ کرپشن سے متعلق کی گئی۔ اہم ریکارڈ اور شواہد تحویل میں لیے گئے، برآمد شدہ اشیاء میں موبائل فونز، لیپ ٹاپ اور دستاویزات شامل ہیں۔ غیر قانونی کٹوتیوں سے متعلق چھپائی گئی شکایات بھی برآمد ہوئیں۔

تحویل میں لیے گئے دستاویزات

ترجمان ایف آئی اے کا کہنا تھا کہ کچھ مستحقین کے ڈیتھ سرٹیفکیٹس بھی تحویل میں لیے گئے ہیں۔ ابتدائی شواہد سے ظاہر ہوتا ہے کہ منظم گروہ مستحقین کا استحصال کر رہا تھا۔