کیا امریکی عوام کی اسرائیل کے بارے میں رائے بدل رہی ہے؟ امریکی نشریاتی ادارے کے سروے کی اہم تفصیلات سامنے آ گئی

امریکی عوام کی اسرائیل کے بارے میں رائے میں تبدیلی

واشنگٹن (مانیٹرنگ ڈیسک) کیا امریکی عوام کی اسرائیل کے بارے میں رائے بدل رہی ہے؟ امریکی نشریاتی ادارے کے سروے کی اہم تفصیلات سامنے آ گئیں۔

یہ بھی پڑھیں: مودی کو ’’غدار‘‘ کہنے والے شخص کے خلاف مقدمہ

سروے کی تفصیلات

تفصیلات کے مطابق امریکہ میں اسرائیل کی حمایت میں واضح کمی دیکھنے میں آئی ہے۔ ایران جنگ کے دوران امریکی نشریاتی ادارے "این بی سی نیوز" نے ایک نئے سروے کا انعقاد کیا، جس میں بتایا گیا کہ 39 فیصد امریکی اسرائیل کے بارے میں منفی رائے رکھتے ہیں جبکہ 32 فیصد لوگوں کی رائے مثبت ہے۔

یہ بھی پڑھیں: نابینا نجومی بابا وانگا کی 2026 کے لیے کی جانے والی بڑی پیشگوئیاں سامنے آگئیں

تاریخی موازنہ

جیو نیوز کے مطابق، سروے کے مطابق 3 سال پہلے صورتحال مختلف تھی جب 47 فیصد امریکی اسرائیل کے بارے میں مثبت جبکہ 34 فیصد منفی رائے رکھتے تھے۔ اسرائیل کے بارے میں مثبت رائے میں کمی کی بڑی وجہ ڈیموکریٹس اور آزاد خیال ووٹرز میں اسرائیل مخالف بڑھتی ہوئی تنقید ہے۔

یہ بھی پڑھیں: ایمرجنگ ایشیاکپ؛ امپائرز کے غلط فیصلے نے پاکستان کو ہروادیا

ڈیموکریٹس کی رائے میں تبدیلی

اعداد و شمار کے مطابق 2023 میں ڈیموکریٹس میں اسرائیل کے بارے میں مثبت اور منفی رائے تقریباً برابر تھی، تاہم اب صرف 13 فیصد ڈیموکریٹس کی اسرائیل سے متعلق رائے مثبت جبکہ 57 فیصد کی رائے منفی ہے۔ اسی طرح آزاد ووٹرز میں بھی بڑی تبدیلی دیکھنے میں آئی ہے جہاں مثبت رائے 40 فیصد سے کم ہو کر 21 فیصد رہ گئی ہے جبکہ منفی رائے 22 فیصد سے بڑھ کر 48 فیصد تک پہنچ گئی ہے۔ 2013 میں 45 فیصد امریکی اسرائیل جبکہ صرف 13 فیصد فلسطینیوں کے ساتھ ہمدردی رکھتے تھے۔

یہ بھی پڑھیں: 27ویں ترمیم، پی ٹی آئی کے 2 سینیٹرز رابطے سے باہر ہو گئے

عوامی ہمدردی کی تقسیم

سروے میں یہ بھی سامنے آیا ہے کہ امریکی عوام اب اسرائیل اور فلسطینیوں کے معاملے پر تقریباً منقسم ہیں۔ 40 فیصد امریکی اسرائیل کے ساتھ ہمدردی رکھتے ہیں جبکہ 39 فیصد فلسطینیوں کے ساتھ ہمدردی کا اظہار کرتے ہیں۔