پاکستان قونصلیٹ دبئی کے قونصل جنرل اور سٹاف کا رمضان افطار ٹینٹ کا دورہ، پاکستانی کاروباری ادارے فلاح و بہبود میں اپنا حصہ ڈال رہے ہیں، قونصل جنرل

متحدہ عرب امارات میں افطار ڈنر کا اہتمام

دبئی (طاہر منیر طاہر) - متحدہ عرب امارات میں پاکستان قونصلیٹ دبئی کے قونصل جنرل حسین محمد، پریس قونصلر محمد صالح، فواد خان، ہارون چوہدری، عمران شاہد، اور نبیل رشید نے دبئی کے پورٹ راشد میں وسٹا میری ٹائم ٹریول اینڈ ٹورزم کے ترتیب دیا گیا رمضان افطار ٹینٹ کا دورہ کیا۔ یہاں روزانہ سینکڑوں افراد کو افطار ڈنر فراہم کیا جا رہا ہے، جو کمیونٹی کی خدمت کے جذبے کا ایک قابلِ قدر اقدام ہے۔

یہ بھی پڑھیں: کیا روس ممکنہ تیسری عالمی جنگ جیت سکتا ہے ؟ برطانوی فوج کے سربراہ کا حیران کن دعویٰ

افطار ٹینٹ کا تیسرا سال

یہ مسلسل تیسرا سال ہے کہ وسٹا میری ٹائم ٹریول اینڈ ٹورزم رمضان المبارک کے دوران اس افطار ٹینٹ کا اہتمام کر رہا ہے، جو ہمدردی اور خدمتِ خلق کے جذبے کی عکاسی کرتا ہے۔ قونصل جنرل حسین محمد، محمد صالح، فواد خان، ہارون چوہدری، عمران شاہد، اور نبیل رشید نے دورے کے دوران شرکاء میں فوڈ باکس تقسیم کیے، اجتماعی دعا میں شرکت کی، اور افطار کیا۔

یہ بھی پڑھیں: پاکستان ٹیم کو بڑا جھٹکا، اہم ترین سپن باولر ساجد خان انجری کا شکار

قونصل جنرل کا پیغام

قونصل جنرل حسین محمد نے وسٹا میری ٹائم ٹریول اینڈ ٹورزم کے سی ای او ڈاکٹر ظفر طاہر رضوی اور ان کی انتظامیہ کی شاندار کوششوں پر تعریف کی، اور کہا کہ پاکستانی کاروباری ادارے کمیونٹی کی بہتری کے لیے اہم کردار ادا کر رہے ہیں۔ انہوں نے دبئی حکومت کے حکام کا بھی شکریہ ادا کیا جنہوں نے افطار ٹینٹ کے قیام میں تعاون فراہم کیا۔

یہ بھی پڑھیں: مارشل لا کا نفاذ جنوبی کورین صدر کو لے ڈوبا، مواخذے کی تحریک کامیاب

ڈاکٹر ظفر طاہر کا بیان

ڈاکٹر سید ظفر طاہر رضوی نے کہا کہ رمضان المبارک برداشت، صبر، اور خدمت کا مہینہ ہے۔ یہ مہینہ ہمیں عبادت اور خدمتِ خلق کا درس دیتا ہے۔ ہمیں چاہیے کہ ہم اس خاص مہینے کی قدر کریں اور اخلاص کے ساتھ عبادت کریں تاکہ یہ ہماری دنیا اور آخرت کو سنوار سکے۔ اللہ تعالیٰ ہمیں رمضان کی برکتوں سے بھرپور فائدہ اٹھانے کی توفیق عطا فرمائے۔

شرکاء کی کثرت

افطار ڈنر میں سید سلیم اختر، میاں منیر ہانس، رئیس قریشی اور دیگر افراد بڑی تعداد میں شریک ہوئے۔ اس موقع پر ڈاکٹر ظفر طاہر کے ہمراہ ڈاکٹر فاطمہ خالد، اسامہ حسن، اگن رحمان، محمد فیضان، آکاش سولنگی، وقار، سوجان اور فیصل بھی موجود تھے۔