ایران کے ورلڈ کپ میچز میکسیکو منتقل کرنے کی کوشش، فیفا سے مذاکرات جاری

ایران کی فٹبال فیڈریشن کا اہم فیصلہ

تہران (ڈیلی پاکستان آن لائن) ایران کی فٹبال فیڈریشن نے اعلان کیا ہے کہ وہ فیفا کے ساتھ مذاکرات کر رہی ہے تاکہ آئندہ ورلڈ کپ میں ایران کے تمام میچز میکسیکو منتقل کیے جا سکیں۔

یہ بھی پڑھیں: عمران خان نے بچوں کو ذاتی طور پر لندن چھوڑنے کا فیصلہ کیا، وہ اس وقت جلا وطن یا عدالتی مجبور نہیں تھے، صحافی حسن ایوب کا قاسم خان کو جواب

سیکیورٹی خدشات کا جائزہ

روزنامہ جنگ کے مطابق ایرانی فٹبال حکام کا کہنا ہے کہ یہ فیصلہ سیکیورٹی خدشات کے پیش نظر زیر غور ہے، خاص طور پر اس وقت جب امریکی صدر ڈونلڈ ٹرمپ نے ایرانی ٹیم کی حفاظت کے حوالے سے تحفظات کا اظہار کیا ہے۔

یہ بھی پڑھیں: بینک آف پنجاب اور اے آئی کے درمیان مفاہمت کی یادداشت پر دستخط

امریکا میں میچز سے گریز

ٹرمپ کے بیان کے بعد ایران نے امریکا میں میچز کھیلنے سے گریز کا عندیہ دیا ہے، جس کے باعث متبادل وینیو کے طور پر میکسیکو کو ترجیح دی جا رہی ہے۔

یہ بھی پڑھیں: خالد حسین چودھری کی والدہ کے انتقال پر پاکستان جرنلسٹس فورم کے وفد کی تعزیت، مرحومہ کی مغفرت کے لیے دعا کی گئی

محفوظ مقام کا انتخاب

ذرائع کے مطابق ایران چاہتا ہے کہ اس کے تمام میچز ایک محفوظ مقام پر منعقد ہوں تاکہ کھلاڑیوں اور آفیشلز کی سیکیورٹی کو یقینی بنایا جا سکے۔

یہ بھی پڑھیں: امجد ملک پنجاب اوورسیز کمیشن کے وائس چیئرمین مقرر، مسلم لیگ ن جرمنی کی مبارکباد

فیفا کا جواب

خیال رہے کہ فیفا نے فی الحال ایران کی درخواست کا کوئی جواب نہیں دیا، ایران نے سیکیورٹی خدشات کی وجہ سے امریکا میں کھیلنے سے انکار کیا تھا۔

یہ بھی پڑھیں: کے پی ہاؤس کے متعدد بلاک سیل: بلڈنگ رولز کی خلاف ورزی کی داستان

ورلڈ کپ میں شرکت کا خطرہ

دوسری جانب ایرانی اسپورٹس حکام کا کہنا ہے کہ حالیہ کشیدگی کے باعث ٹیم کی ورلڈ کپ میں شرکت بھی خطرے میں پڑ سکتی ہے۔

یہ بھی پڑھیں: بلاول بھٹو زرداری نے سیز فائر جاری نہ رہنے کے حوالے سے خدشات کا اظہار کر دیا

ایران کا اعزاز

واضح رہے کہ ایران نے فیفا ورلڈ کپ 2026 کے لیے کوالیفائی کرنے والی پہلی ایشیائی ٹیم ہونے کا اعزاز حاصل کیا تھا۔ ٹورنامنٹ 11 جون سے امریکا، کینیڈا اور میکسیکو میں مشترکہ طور پر کھیلا جائے گا۔

ایران کے گروپ میچز کی تفصیلات

ایران گروپ جی میں اپنے تین میچز امریکا میں کھیلے گا جس کا پہلا میچ نیوزی لینڈ سے 15 جون کو، دوسرا 21 جون کو بیلجیم اور 26 جون کو مصر سے اپنا تیسرا اور آخری گروپ میچ کھیلے گا۔