عید سے قبل ملاقات کی اجازت نہ دینا افسوسناک ہے، اگر واقعی عمران خان کی صحت کے بارے میں کچھ چھپانے کی ضرورت نہیں، تو پھر فیملی کو ملاقات کی اجازت کیوں نہیں؟ مریم ریاض وٹو

بشریٰ بی بی کی ملاقات کی درخواست مسترد

لاہور (ڈیلی پاکستان آن لائن) بانی پی ٹی آئی کی اہلیہ بشریٰ بی بی کی بہن مریم ریاض وٹو کا کہنا ہے کہ ہمیں افسوس کے ساتھ کہنا پڑ رہا ہے کہ عید سے قبل ہماری فیملی کی جانب سے بشریٰ عمران خان سے آخری ملاقات کی درخواست کو مسترد کر دیا گیا۔ عید کے لیے چند معمولی اشیاء بھی لے جانے کی کوشش کی گئی، لیکن انہیں بھی قبول نہیں کیا گیا۔

یہ بھی پڑھیں: عمر ایوب اور شبلی فراز نے الیکشن دھاندلی کیخلاف احتجاج نہ کرنے کی ڈیل کی، فواد چوہدری کا دعویٰ

حکومت کے رویے پر تنقید

اپنے ایکس بیان میں انہوں نے کہا کہ یہ رویہ نہ صرف ظلم ہے بلکہ واضح طور پر غیر قانونی بھی ہے۔ افسوس کی بات یہ ہے کہ پاکستان میں قانون کی غیر موجودگی آجکل حیران کن نہیں رہی۔ سب سے زیادہ تشویشناک پہلو یہ ہے کہ عمران خان کی صحت کے حوالے سے شفافیت نہیں دکھائی گئی۔ اگر واقعی ان کی صحت کے بارے میں کچھ چھپانے کی ضرورت نہیں، تو پھر ہماری فیملی کو ملاقات کی اجازت کیوں نہیں دی گئی؟

ملاقات اور طبی سہولیات کی درخواست

مریم ریاض وٹو نے مزید کہا کہ حکومت اور متعلقہ حکام سے اپیل کرتے ہیں کہ وہ فوری طور پر ملاقات اور مناسب طبی سہولیات کی یقین دہانی کرائیں، تاکہ کسی قسم کی غیر قانونی رکاوٹ یا انسانی حقوق کی خلاف ورزی نہ ہو۔

It was supposed to be our family’s last visit with Bushra Imran Khan before Eid—but even that was denied. Family members took a few simple things for her for Eid, and those were refused too. It’s not just cruel, it’s blatantly illegal. But then again, in Pakistan, the absence of…

— Maryam Riaz Wattoo (@soulful7867) March 17, 2026