عید قریب آتے ہی لاہور سے پردیسیوں کی واپسی میں تیزی، بس اڈوں پر شدید رش
عید کے موقع پر پردیسیوں کی روانگی
لاہور(ڈیلی پاکستان آن لائن) عید قریب آتے ہی پردیسیوں کی بڑی تعداد اپنے آبائی شہروں کو روانہ ہونے لگی، جس کے باعث شہر کے لاری اڈوں اور بس ٹرمینلز پر غیر معمولی رش دیکھنے میں آ رہا ہے۔
یہ بھی پڑھیں: بغداد میں امریکی سفارتخانے پر ڈرون حملہ
ٹکٹ کے حصول میں مشکلات
نجی ٹی وی چینل دنیا نیوز کے مطابق ذرائع کا کہنا ہے کہ مسافروں کو ٹکٹ کے حصول میں شدید مشکلات کا سامنا ہے اور مختلف بس اڈوں پر طویل قطاریں لگ چکی ہیں۔ سٹی بس ٹرمینل بند روڈ پر ٹکٹ کاؤنٹرز کے باہر گھنٹوں انتظار معمول بن گیا ہے، جہاں مسافر لائنوں میں کھڑے رہنے پر مجبور ہیں۔
یہ بھی پڑھیں: ایوان زیریں تحلیل، جاپان میں عام انتخابات کا اعلان کر دیا گیا
کرایوں میں اضافہ
دوسری جانب ٹرانسپورٹرز نے گاڑیوں کی کمی کا جواز بنا کر کرایوں میں من مانی اضافہ شروع کر دیا ہے، جبکہ بعض مقامات پر بلیک میں ٹکٹ فروخت ہونے کا بھی انکشاف ہوا ہے۔
یہ بھی پڑھیں: بلوچستان: میڈیکل سٹور ڈپو کی 5 سالہ آڈٹ رپورٹ میں 5 ارب کی بے ضابطگیاں
انتظار کی گھنٹیاں اور شکایات
بسیں مسافروں سے مکمل بھر جانے کے باعث اضافی افراد کو طویل انتظار کرنا پڑ رہا ہے اور کئی لوگ گھنٹوں بسوں کے منتظر رہتے ہیں۔ بروقت ٹکٹ نہ ملنے پر شہریوں کی شکایات میں بھی اضافہ ہو گیا ہے۔
انتظامیہ سے مطالبہ
مسافروں نے انتظامیہ سے مطالبہ کیا ہے کہ وہ فوری اقدامات کرے تاکہ رش پر قابو پایا جا سکے اور عوام کو بہتر سفری سہولیات فراہم کی جا سکیں۔
