وزیر اعظم شہباز شریف کا عمان کے سلطان سے ٹیلی فونک رابطہ، موجودہ علاقائی صورتحال پر تبادلہ خیال
وزیر اعظم کی عمان کے سلطان سے گفتگو
اسلام آباد (ڈیلی پاکستان آن لائن) وزیر اعظم محمد شہباز شریف کو عمان کے سلطان ہیثم بن طارق نے ٹیلی فون کیا۔ اپنی گرمجوش اور خوشگوار گفتگو کے دوران دونوں رہنماؤں نے عید کے پرمسرت موقع پر مبارکباد کا تبادلہ کرتے ہوئے دونوں ممالک کے عوام اور امت مسلمہ کے لیے امن، خوشحالی اور فلاح و بہبود کے لیے نیک خواہشات کا اظہار کیا۔
یہ بھی پڑھیں: امریکی سینٹکام سربراہ بریڈ کوپر کا ایرانی نیول کمانڈر علی رضا کی اسرائیلی فضائی حملے میں ہلاکت کا دعوی
علاقائی صورتحال پر تبادلہ خیال
دونوں رہنماؤں نے موجودہ علاقائی صورتحال پر تبادلہء خیال کیا۔ عمان کے مختلف علاقوں میں حملوں کے دوران قیمتی جانوں کے ضیاع پر عمان کے برادر عوام کے ساتھ پاکستان کی یکجہتی کا اظہار کرتے ہوئے وزیراعظم نے امن، استحکام اور تعمیری بات چیت کو برقرار رکھنے کی اہمیت پر زور دیا۔
یہ بھی پڑھیں: پاکستان کرکٹ ٹیم کے ہیڈکوچ کے عہدے سے استعفیٰ کیوں دیا؟ جیسن گلیسپی نے انٹرویو میں بتا دیا
برادرانہ تعلقات کی مضبوطی
دونوں رہنماؤں نے پاکستان اور عمان کے درمیان دیرینہ برادرانہ تعلقات کو مزید مضبوط بنانے کے عزم کا اعادہ کیا۔ اس سلسلے میں وزیر اعظم نے عمان کے سلطان کو پاکستان کا سرکاری دورہ کرنے کی دعوت کا بھی اعادہ کیا۔
متبادل دورے کی دعوت
وزیر اعظم نے سلطان ہیثم بن طارق کی طرف سے باہمی طور پر مناسب تاریخ پر عمان کا دورہ کرنے کے لیے دی گئی دعوت کا بھی مثبت جواب دیا۔
