مشرق وسطیٰ میں کشید ہ صورتحال کے باعث پاکستان سے بین الاقوامی پروازوں میں تقریبا 50 فیصد کمی،گیلپ سروے جاری

مشرق وسطیٰ میں کشیدگی اور پاکستان کی فضائی خدمات

لاہور(ڈیلی پاکستان آن لائن) گیلپ نے مشرق وسطیٰ میں جاری کشیدگی کے پیش نظر فلائٹس کے منسوخ ہونے سے متعلق اپنا نیا سروے جاری کر دیا ہے۔ اس سروے کے مطابق، ایران کے ساتھ جنگ کی وجہ سے پاکستان سے بین الاقوامی پروازوں میں تقریباً 50 فیصد کمی واقع ہوئی ہے۔

یہ بھی پڑھیں: ایشیا کپ، بنگلہ دیش نے کانٹے دار مقابلے کے بعد افغانستان کو8 رنز سے شکست دے دی

سروے کے نتائج

گیلپ سروے کے مطابق مارچ کے آغاز میں انٹرنیشنل ڈیپارچر کی تعداد 1127 سے کم ہو کر 572 رہ گئی۔ چند ہفتوں میں آدھی پروازیں ختم ہو گئیں، جس سے ایوی ایشن سیکٹر کو بڑا دھچکا پہنچا ہے۔ فضائی سرگرمی میں غیر معمولی کمی ریکارڈ کی گئی ہے۔

یہ بھی پڑھیں: چین رواں سال ایس سی او رکن ممالک کو 2 ارب یوآن کی گرانٹ دے گا،چینی صدر

ایرانی اور خلیجی فضائی حدود کی بندش

ایران اور خلیجی فضائی حدود کی بندش سے فلائٹس شدید متاثر ہوئیں۔ متعدد پروازیں منسوخ ہو گئیں، جبکہ کئی روٹس تبدیل کر دیے گئے اور فریکوئنسی میں کمی کر دی گئی۔ مشرق وسطیٰ روٹس پر انحصار کے باعث پاکستان کی پروازیں زیادہ متاثر ہوئی ہیں۔

سفری سرگرمیاں

دبئی سمیت خلیجی روٹس پر سفری سرگرمی میں نمایاں کمی دیکھنے میں آئی ہے۔ سعودی عرب کے لیے پروازوں کا تناسب بڑھ گیا ہے، جبکہ غیر ضروری سفر میں کمی آئی ہے۔ مذہبی اور ضروری سفر جاری ہیں۔