بہاولپور سے کراچی جانے والی کوچ الٹ گئی، 4 افراد جاں بحق، 7 زخمی

حادثہ کی تفصیلات

حیدرآباد(ڈیلی پاکستان آن لائن) مٹیاری قومی شاہراہ خیبر گرڈ سٹیشن سہتو سٹاپ پر بہاولپور پنجاب سے کراچی جانے والی کوچ الٹ گئی۔

یہ بھی پڑھیں: پنجاب میں سکھ اور ہندو برادری کے لیے خوشخبری، وزیر اعلیٰ نے اہم اعلان کر دیا

جان و مال کا نقصان

نجی ٹی وی چینل دنیا نیوز کے مطابق ذرائع کا کہنا ہے کہ یہ افسوسناک حادثہ مٹیاری قومی شاہراہ خیبر گرڈ سٹیشن کے قریب پیش آیا۔ حادثے میں 4 افراد جان کی بازی ہار گئے جبکہ 7 زخمی ہوئے۔

یہ بھی پڑھیں: بھائی کا وراثتی جائیداد زبانی تحفے میں ملنے کا دعویٰ مسترد

ایمرجنسی خدمات کی کارروائی

ذرائع نے بتایا کہ اطلاع ملنے کے بعد پولیس اور موٹروے پولیس کی نفری جائے حادثہ پہنچ گئی جو کہ امدادی کاموں میں حصہ لے رہی ہے۔

جاں بحق افراد کی شناخت

لاشوں اور زخمیوں کو مٹیاری ہسپتال اور حیدر آباد سول ہسپتال منتقل کر دیا گیا۔ جاں بحق افراد کی شناخت ساجد علی، جہانگیر، محمد رفیق اور محمد سجاد کے ناموں سے ہوئی ہے۔