عرب اسلامی ممالک کا ایران سے ہمسایہ ملکوں کے خلاف حملے فوری روکنے کا مطالبہ

عرب وزرائے خارجہ کا اجلاس

ریاض (ڈیلی پاکستان آن لائن) مشرق وسطیٰ کی کشیدہ صورتِ حال پر عرب اور اسلامی ممالک کے وزرائے خارجہ کا سعودی دارالحکومت ریاض میں اجلاس ہوا جہاں علاقائی سلامتی اور استحکام کو سپورٹ کرنے کے طریقوں پر غور کیا گیا۔

یہ بھی پڑھیں: چین اب ایران سے تیل خریدنا جاری رکھ سکتا ہے، ڈونلڈ ٹرمپ

ایران کے خلاف سعودی مؤقف

نجی ٹی وی چینل دنیا نیوز کے مطابق اجلاس کے دوران سعودی وزیرخارجہ فیصل بن فرحان نے خلیجی ممالک پر ایرانی حملوں کو ناقابل قبول قرار دیتے ہوئے کہا کہ سعودی عرب ایران حملوں کے بعد فوجی کارروائی کا حق محفوظ رکھتا ہے۔

یہ بھی پڑھیں: ویڈیو: مریم نواز ہیلتھ کلینک منصوبہ عوام کے لیے کتنا فائدہ مند ہے؟ عوام کے لیے کون کونسی سہولیات موجود ہیں؟ عوام کا رد عمل دیکھیے۔

مذاکرات کی حمایت

خطاب کے دوران سعودی وزیرخارجہ فیصل بن فرحان نے کہا کہ ایران خطے میں کشیدگی بڑھا رہا ہے، ایران ہمسایہ ممالک کے خلاف جارحانہ رویہ اپنا رہا ہے۔ انہوں نے کہا کہ مسئلے کے حل کے لیے مذاکرات کی حمایت جاری رکھیں گے۔

یہ بھی پڑھیں: پنجاب میں 11 سے 17 جولائی کے دوران بارشوں کے تیسرے سپیل کا الرٹ جاری

پاکستان کی نمائندگی

وزرائے خارجہ اجلاس میں پاکستان کی طرف سے نائب وزیر اعظم اسحاق ڈار نے شرکت کی، دفتر خارجہ کے مطابق پاکستان تمام ممالک پر حملوں کے خاتمے پر زور دے گا۔

یہ بھی پڑھیں: قیامت کی نشانی؟ بھارتی لڑکی کی اپنے باپ سے مبینہ شادی کی ویڈیو وائرل

اجلاس میں شریک ممالک

اجلاس میں آذربائیجان، بحرین، شام، قطر، ترکی، اور متحدہ عرب امارات نے شرکت کی، کویت، اردن، اور مصر کے وزرائے خارجہ بھی اجلاس میں شریک ہوئے۔

یہ بھی پڑھیں: پاکستان کے ساتھ کرکٹ کھیلنی چاہیے یا نہیں؟ کپل دیو کھل کر بول پڑے

اعلامیہ کا جائزہ

عرب اور اسلامی ممالک کے مشاورتی اجلاس کے اعلامیے میں خطے پر ایرانی حملوں کی پُرزور مذمت کی گئی۔

اعلامیہ کے مطابق ایران خلیجی ممالک کے سول انفراسٹرکچر کو نشانہ بنا رہا ہے، ایران ہوائی اڈوں، تیل تنصیبات، سفارتخانوں اور عوامی مقامات کو نشانہ بنا رہا ہے، یہ حملے کسی صورت جائز نہیں، اقوام متحدہ کے آرٹیکل 51 کے مطابق خلیجی ریاستوں کو دفاع کا حق حاصل ہے۔

ایران سے مطالبات

اعلامیے میں ایران سے مطالبہ کیا گیا کہ وہ بین الاقوامی قوانین اور ہمسایہ ممالک کا احترام کرے اور فوری طور پر حملے روکے۔

اعلامیے میں کہا گیا ایران خطے کے امن اور استحکام کو یقینی بنائے، اعلامیے میں ایران سے آبنائے ہرمز کو محفوظ بنائے اور عالمی تجارت میں خلل پیدا نہ کرنے کا بھی مطالبہ کیا گیا۔