ایران کے وزیر خارجہ عباس عراقچی کا فرانس کے صدر ایمانوئل میکرون کے بیان پر ردعمل آ گیا

ایرانی وزیر خارجہ کا ردعمل

تہران (مانیٹرنگ ڈیسک) ایران کے وزیر خارجہ عباس عراقچی کا فرانس کے صدر ایمانوئل میکرون کے بیان پر ردعمل آگیا۔

یہ بھی پڑھیں: گوادر انٹرنیشنل ایئرپورٹ نے اہم سنگ میل عبور کر لیا، جہازوں کی ری فیولنگ شروع

میکرون کی خاموشی پر تنقید

تفصیلات کے مطابق عباس عراقچی نے فرانس کے صدر ایمانوئل میکرون کے بیان پر اپنے ردعمل میں کہا کہ انہوں نے ایران پر مسلط اسرائیلی و امریکی جنگ کی مذمت میں ایک لفظ بھی نہیں کہا۔ ایران کی جوابی کارروائی پر فرانسیسی صدر کی تشویش افسوسناک ہے۔

یہ بھی پڑھیں: اوپن اور انٹر بینک مارکیٹ میں ڈالر مسلسل چوتھے روز مہنگا

ایران میں حالیہ واقعات

ایران کے وزیر خارجہ نے مزید کہا، "تہران میں ایندھن کا ذخیرہ اڑایا گیا، جس کی وجہ سے لاکھوں لوگ زہریلے مواد سے متاثر ہوئے، مگر فرانس کے صدر میکرون اُس وقت خاموش رہے۔ ایرانی گیس تنصیبات پر اسرائیلی حملے پر بھی میکرون کو تشویش نہیں تھی۔"

یہ بھی پڑھیں: حکومت کی بجٹ میں عام آدمی پر مزید بوجھ ڈالنے کی تیاری، کھانے پینے کی اشیا مہنگی ہونیکا امکان

علاقائی تعاون کی ضرورت

دوسری جانب، ایرانی وزیر خارجہ عباس عراقچی نے پاکستان، ترکیہ، اور مصر کے وزرائے خارجہ سے علیٰحدہ علیٰحدہ ٹیلی فون پر گفتگو کی ہے۔ ایرانی میڈیا کے مطابق ایران نے امریکہ اور اسرائیل کی عدم استحکام پیدا کرنے والی کارروائیوں کے خلاف علاقائی مستعدی پر زور دیا۔

ایران کی خودمختاری کا دفاع

عباس عراقچی نے کشیدگی بڑھانے والی امریکی اسرائیلی کارروائیوں کے خلاف علاقائی ممالک میں باہمی تعاون پر زور دیا۔ انہوں نے کہا کہ ایران اپنی خودمختاری اور سلامتی کے دفاع میں کوئی کسر نہیں چھوڑے گا۔