جنگ بندی کی کوئی خلاف ورزی نہیں کی، افغان دعویٰ مضحکہ خیز ہے: وزارت اطلاعات

پاکستان کا افغان طالبان کے دعوے کا جواب

اسلام آباد(ڈیلی پاکستان آن لائن) پاکستان نے افغان طالبان کے ترجمان کا آپریشن غضب للحق کی عارضی معطلی کی خلاف ورزی کا دعویٰ مضحکہ خیز قرار دیا۔

یہ بھی پڑھیں: واردات کی نیت، گھر میں داخل ہونے والی دو مسلح ڈاکو حسینائیں پکڑی گئیں

وزارت اطلاعات کا بیان

نجی ٹی وی چینل دنیا نیوز کے مطابق، وزارت اطلاعات نے بیان میں کہا کہ پاکستان کی جانب سے جنگ بندی کی کوئی خلاف ورزی نہیں کی گئی اور افغان رجیم کے دعوے بے بنیاد اور جھوٹ پر مبنی ہیں۔

یہ بھی پڑھیں: انسان ہی کرۂ ارض کی جان ہے، سبھی الہامی کتابیں انسان دوستی کا درس دیتی ہیں، زمانہ آپ کو یوں بدل کر رکھ دیتا ہے جیسے کبھی آپ تھے ہی نہیں

پروپیگنڈے کا مقصد

وزارت اطلاعات نے یہ بھی بتایا کہ پروپیگنڈے کا مقصد دہشت گردی کی کارروائیوں کا جواز پیداکرنا ہے، اور یہ شاید طالبان رجیم کے اندر موجود مخالفین کی طرف سے بھی شروع کیا جاسکتا ہے۔

یہ بھی پڑھیں: الوداع 2025

پاکستان کا مؤقف

وزارت اطلاعات کے مطابق پاکستان واضح کرچکا ہے کہ کسی بھی کارروائی پر عارضی وقفہ ختم ہوجائے گا اور دہشت گرد کارروائیوں، سرحد پار سے حملوں کا پوری طاقت سے جواب دیا جائے گا۔

یہ بھی پڑھیں: لاہور ریس کورس پارک میں سج گیا پھولوں کا میلہ، لاہوریوں کے لیے سرد موسم میں بہترین تفریح

آپریشن غضب للحق کا عارضی معطل ہونا

یاد رہے کہ عید الفطر کے احترام اور برادر اسلامی ممالک کی درخواست پر آپریشن غضب للحق عارضی طور پر روکنے کا فیصلہ کیا گیا تھا۔

وزیر اطلاعات کی وضاحت

وزیر اطلاعات نے کہا تھا کہ سعودی عرب، ترکی اور قطر کی درخواست پر کارروائیاں روکی گئیں، اور آپریشن 24 مارچ کی درمیانی رات تک رکا رہے گا.