محکمہ موسمیات نے عید کے دن بارش کی نوید سنادی

محکمہ موسمیات کی پیشگوئی

لاہور(ڈیلی پاکستان آن لائن)محکمہ موسمیات نے عیدالفطر کے روز بھی مختلف علاقوں میں بارش کی نوید سنادی۔

یہ بھی پڑھیں: پنجاب میں بارشوں کے باعث مختلف حادثات میں 7 افراد جاں بحق، متعدد زخمی

بارش کی توقعات

نجی ٹی وی سماء سے گفتگو میں ڈائریکٹر محکمہ موسمیات عرفان ورک نے کہا کہ بارش برسانے والا ہواؤں کا سلسلہ بدستور ملک میں موجود ہے۔ کل عید کے دن ملک کے مختلف علاقوں میں بارش کا امکان ہے۔

یہ بھی پڑھیں: آئی ایم ایف سے قرض کی دوسری قسط کی منظوری، انٹربینک میں ڈالر کی قیمت میں بڑی کمی

راولپنڈی اسلام آباد میں موسم

عرفان ورک نے کہا کہ کل راولپنڈی اسلام آباد میں بادل چھائے رہنے کے ساتھ ہلکی بارش کا امکان ہے۔ جبکہ بلوچستان، جنوبی پنجاب، سندھ اور خیبرپختونخوا کے کچھ علاقوں میں بھی بارش ہوسکتی ہے۔

یہ بھی پڑھیں: میری طرف سے چالان مکمل کرکے حکام کے سپرد کردیا گیا، تفتیشی افسر کا فارن فنڈنگ کیس میں عدالت میں بیان

جنوبی خیبرپختونخوا میں بارش

انہوں نے مزید کہا کہ جنوبی خیبرپختونخوا کے کچھ علاقوں میں بھی بارش کا امکان ہے، ملک کے کچھ مقامات پر مکمل بادل چھائے رہنے کا بھی امکان ہے۔

این ڈی ایم اے کا الرٹ

دوسری جانب این ڈی ایم اے نے پنجاب، خیبرپختونخوا، بلوچستان، گلگت بلتستان اور آزاد کشمیر میں بارش اور شمالی علاقہ جات میں برفباری کا الرٹ جاری کر دیا۔