سی ٹی ڈی نے شہرِقائد میں ریلوے ٹریک پر دہشت گردی کا منصوبہ ناکام بنا دیا، بھارتی نیٹ ورک کے 5 ارکان گرفتار

کراچی میں دہشت گردی کا منصوبہ ناکام

کراچی (ڈیلی پاکستان آن لائن) سی ٹی ڈی نے شہرِ قائد کے ریلوے ٹریک پر دہشت گردی کا منصوبہ ناکام بنا دیا۔

یہ بھی پڑھیں: دوست طالبعلموں پر مشتمل ”پھینٹی گروپ“ تشکیل دیا جس کاکام لڑکیوں کو چھیڑنے والے افراد کو پھینٹی لگانا تھا، ایک طاقتور رکن کا نام ”جِن“ رکھا ہوا تھا.

گرفتاریوں کی تفصیلات

ڈی آئی جی سی ٹی ڈی کے مطابق، ریلوے ٹریک اڑانے والے نیٹ ورک کے 5 ارکان کو پکڑ لیا گیا ہے۔ یہ ملزمان ریلوے ٹریکس کو نقصان پہنچانے میں ملوث ہیں۔ اُن کا کہنا تھا کہ کالعدم بی ایل اے اور بی ایل ایف کو بھارتی خفیہ ایجنسی را مالی معاونت فراہم کر رہی ہے، اور گرفتار دہشتگرد تخریب کاری کی منصوبہ بندی کر رہے تھے۔

سہولت کاروں کے بارے میں معلومات

دوسری جانب، ڈی آئی جی سی ٹی ڈی کا مزید کہنا تھا کہ سہولت کاری فراہم کرنے والوں کے نام ہمارے پاس آچکے ہیں، جب کہ دہشت گردوں کے تمام نیٹ ورکس ہمسایہ ملک سے آپریٹ ہو رہے ہیں۔