حکومت سندھ نے شادی ہالز میں مہمانوں کو 200 تک محدود کر کے شہریوں کو پریشانی میں مبتلا کر دیا

سندھ حکومت کی نئے فیصلے پر تشویش

کراچی(ڈیلی پاکستان آن لائن )سندھ حکومت کی جانب سے شادی کی تقریبات میں مہمانوں کی تعداد 200 تک محدود کرنے کے فیصلے نے شہریوں اور شادی ہال مالکان میں تشویش کی لہر دوڑا دی ہے۔ بہت سے خاندان اس فیصلے کے بعد شدید پریشانی کا شکار ہیں اور یہ سمجھ نہیں پا رہے کہ دعوت نامے بھیجنے کے بعد اب کس طرح مہمانوں کی فہرست کم کی جائے۔

یہ بھی پڑھیں: پرتگال سے تعلق رکھنے والے معروف فٹبالر بھائی سمیت ٹریفک حادثے میں ہلاک

حکومتی اقدامات کی وجوہات

صوبائی حکومت نے مشرقِ وسطیٰ میں جاری جنگ کے تناظر میں کفایت شعاری مہم کے تحت مختلف اقدامات کیے ہیں، جن میں شادیوں اور دیگر تقریبات میں مہمانوں کی تعداد 200 تک محدود کرنا اور ایک ڈش کی پابندی شامل ہے۔ تاہم وہ خاندان جنہوں نے مہینوں پہلے شادی ہال اور کیٹرنگ کی بکنگ کر رکھی ہے اور سینکڑوں مہمانوں کو دعوت نامے بھیج چکے ہیں، اب ممکنہ مالی نقصان کے خدشات کا سامنا کر رہے ہیں۔

یہ بھی پڑھیں: پہلی سہ ماہی میں چین کی جی ڈی پی گروتھ کتنی رہی؟ ماہرین حیران رہ گئے

شادی ہال مالکان کی تشویش

کراچی میرج ہال اونرز ایسوسی ایشن کے صدر رانا رئیس نے اس فیصلے پر شدید تحفظات کا اظہار کرتے ہوئے کہا کہ اس پر عملدرآمد عملی طور پر ممکن نہیں۔ انہوں نے حکومت سے مطالبہ کیا کہ اس فیصلے پر نظرِ ثانی کی جائے کیونکہ اس سے میزبانوں اور مہمانوں دونوں کو مشکلات کا سامنا ہوگا۔

یہ بھی پڑھیں: لاشوں کے سہارے ڈرٹی گیم نہ کھیلیں

خاندانوں کے تاثرات

ان کا کہنا تھا کہ لوگوں کے لیے مہمانوں کا انتخاب کرنا آسان نہیں ہوگا جبکہ شادی ہال انتظامیہ کے لیے بھی اضافی مہمانوں کو روکنا مشکل ہوگا۔ دوسری جانب ایک دلہن کی والدہ نے کہا کہ حکومت کے اس فیصلے سے انہیں اور دیگر خاندانوں کو شدید ذہنی دباؤ اور پریشانی کا سامنا ہے۔ ایک دولہا نے بتایا کہ انہوں نے پہلے ہی 500 سے زائد مہمانوں کو دعوت نامے بھیج دیے ہیں اور اسی حساب سے شادی ہال اور کیٹرنگ کی ادائیگی بھی کر چکے ہیں۔

یہ بھی پڑھیں: ویلنسیامیں شدید سیلاب ،متاثرین کیلئے ریاست کے تمام وسائل بروہے کار لائیں گے:ہسپانوی وزیر اعظم

شادی کی تقریبات کی اہمیت

شہریوں کا کہنا ہے کہ شادی ایک زندگی میں ایک بار ہونے والی خوشی ہے اور اس میں رشتہ داروں اور دوستوں کو مدعو نہ کرنا انتہائی مشکل ہے۔

مہمانوں کی تعداد کم کرنے کے نقصانات

میریج ہال مالکان کے مطابق مہمانوں کی تعداد کم کرنے سے توانائی کی بچت بھی نہیں ہوگی کیونکہ مہمان اپنے گھروں سے آتے ہیں اور کھانا ایک ہی جگہ تیار کیا جاتا ہے، جس سے گیس کی بچت ہوتی ہے۔