سیالکوٹ کے پارک میں عید والے دن چلتا ہوا جھولا ٹوٹ گیا، چار بچے زخمی

سیالکوٹ میں حادثہ

سیالکوٹ (ڈیلی پاکستان آن لائن) گلشن اقبال پارک میں بی رائیڈ جھولا چلتے ہوئے ٹوٹ گیا، جس کے نتیجے میں 4 بچے زخمی ہوگئے۔

یہ بھی پڑھیں: ستھرا پنجاب کے تحت کوڑا ٹیکس عائد، فی گھر کتنی رقم وصول کی جائیگی؟جانیے

زخمی بچوں کی حالت

اسسٹنٹ کمشنر رانا صفدر شبیر کا کہنا ہے کہ حادثے میں ایک بچی سمیت 4 بچے جھولے سے گر کر زخمی ہوئے۔ اہل خانہ نے زخمی بچوں کو قریبی ہسپتال منتقل کیا۔

یہ بھی پڑھیں: ایئر چیف کا تاریخی دورۂ امریکا، ٹیکنالوجی اور مشترکہ تربیت پر اتفاق

جھولے کی حالت اور تحقیقات

اسسٹنٹ کمشنر نے مزید بتایا کہ جھولے پر گنجائش سے زیادہ بچوں کو سوار کیا گیا تھا۔ 2 روز قبل جھولوں کا فٹنس سرٹیفکیٹ جاری کیا گیا تھا۔ ٹھیکدار ملزم کے خلاف انتظامیہ کی جانب سے مقدمہ درج کیا جا رہا ہے۔

پارک میں احتیاطی تدابیر

اسسٹنٹ کمشنر کا یہ بھی کہنا ہے کہ پارک میں موجود تمام جھولوں کو سیل کردیا گیا ہے۔