جنگ اور معاشی بحران۔۔۔ مشرقِ وسطیٰ میں عید کی خوشیاں ماند

مشکل حالات میں عیدالفطر

تہران /بیروت /غزہ ( مانیٹرنگ ڈیسک ) مشرقِ وسطیٰ کے کئی ممالک میں جاری جنگ، نقل مکانی اور شدید معاشی بحران نے عیدالفطر کی روایتی خوشیاں ماند کر دیں۔

یہ بھی پڑھیں: اگر بھارت نے شرارت کی تو ایک کے بدلے دو کے تناسب سے جواب دیا جائے گا، محسن نقوی

سادگی اور بے یقینی کی عید

تفصیلات کے مطابق لبنان، غزہ اور ایران میں لاکھوں افراد اس سال عید سادگی، خوف اور غیر یقینی کی صورتحال میں منا رہے ہیں۔

یہ بھی پڑھیں: سیشن جج ناصر جاوید رانا کو کام سے روکنے کی درخواست پر فیصلہ محفوظ

لبنان میں مہاجرین کی حالت

عرب میڈیا ’’الجزیرہ‘‘ کی رپورٹ کے مطابق لبنان کے دارالحکومت بیروت میں شامی مہاجر بے گھر ہو چکے ہیں اور ساحلی علاقے میں کھلے آسمان تلے رات گزارنے پر مجبور ہیں۔ لبنان میں جاری حملوں کے باعث 1 ہزار سے زائد افراد شہید جبکہ 10 لاکھ سے زیادہ لوگ بے گھر ہو چکے ہیں۔ مقامی باشندوں کا کہنا ہے کہ عید منانے کا سوال ہی پیدا نہیں ہوتا، اِن کی پہلی ترجیح صرف محفوظ پناہ گاہ تلاش کرنا ہے، شہر کے مہنگے ساحلی علاقے اب بے گھر افراد کے خیموں میں تبدیل ہو چکے ہیں۔

ایران میں معاشی بحران

ادھر ایران میں امریکہ اور اسرائیل کے حملوں اور پہلے سے جاری معاشی بحران نے عوام کی قوتِ خرید تقریباً ختم کر دی ہے۔ تہران کے تاریخی بازار کو نقصان پہنچنے کے باعث خریداری خطرناک بن گئی ہے، بعض ایرانی شہری مذہبی تقریبات سے بھی دور رہ رہے ہیں جبکہ فارسی نیا سال نوروز پر زیادہ توجہ دی جا رہی ہے۔