جنگلات ماحول اورمعیشت کیلئے لائف لائن ہیں، عوام درخت ضرور لگائیں: وزیر اعلیٰ مریم نواز

وزیراعلیٰ پنجاب کا پیغام

لاہور (ڈیلی پاکستان آن لائن ) وزیراعلیٰ پنجاب مریم نواز نے جنگلات کے عالمی دن پر پیغام جاری کر دیا۔

یہ بھی پڑھیں: صحافی کالونی کا خواب اب حقیقت، ترقیاتی منصوبے مکمل کیے جا رہے ہیں:سیکرٹری اطلاعات پنجاب سید طاہر ہمدانی

جنگلات کی اہمیت

اپنے پیغام میں وزیر اعلیٰ مریم نواز نے کہا کہ جنگلات ماحول، معیشت اور شہریوں کے لئے لائف لائن ہیں۔ عوام سے اپیل ہے کہ درخت ضرور لگائیں، چاہے اس کے سائے میں بیٹھنے کی توقع نہ ہو۔ بچے اپنے والدین اور اساتذہ کرام کے نام پر درخت لگائیں۔

حکومت ماحولیاتی آلودگی ختم کرنے اور نئی نسل کو صاف ستھرا ماحولیاتی نظام دینے کے لئے پُرعزم ہے، موسمیاتی تبدیلی کے اثرات سے نمٹنے کے لئے شجرکاری ناگزیر ہے۔

یہ بھی پڑھیں: کراچی میں ڈاکوؤں نے 7 سالہ بچے کو موبائل فون نہ دینے پر گولی مار کر زخمی کر دیا

سموگ کے خاتمے کی کوششیں

وزیراعلیٰ پنجاب نے کہا کہ درخت لگائیں اور سموگ کے اندھیروں کو ہمیشہ کے لیے مٹائیں۔ جنگلات اور جنگلی حیات کی حفاظت کے لئے تھرمل سینسر کی مدد لی جارہی ہے۔ جنگلات کی حدود کے تعین کے لئے کمپارٹمنٹ لیول فارسٹ میپنگ کی جارہی ہے۔

ہنگامی اقدامات

وزیراعلیٰ نے کہا کہ جنگلات میں لگنے والی آگ کے بروقت سدباب اور ڈی ٹیکشن انٹیلی جنس سسٹم فعال کیا گیا ہے۔ جنگلات سے متعلق ہنگامی صورتحال کے لئے خصوصی ہیلپ لائن بھی قائم کر دی گئی ہے.