پنجاب میں پہلا سکل سٹی قائم کرنے کا اصولی فیصلہ،وزیراعلیٰ پنجاب نے منظوری دیدی،تجاویز اور پلان طلب

پنجاب میں پہلا سکل سٹی قائم کرنے کا فیصلہ

لاہور (ڈیلی پاکستان آن لائن) پنجاب میں پہلا سکل سٹی قائم کرنے کا اصولی فیصلہ کیا گیا۔ وزیراعلیٰ مریم نواز نے منظوری دے دی اور پنجاب کے پہلے سکل سٹی پراجیکٹ کے لیے تجاویز اور پلان طلب کر لیا۔ سکل سٹی پراجیکٹ میں انڈسٹری کی ضروریات سے مطابقت رکھنے والے ٹیکنیکل ایجوکیشن انسٹی ٹیوٹ قائم کیے جائیں گے۔ پنجاب میں سکل ایجوکیشن کے اداروں کو سینٹر آف ایکسی لینس بنایا جائے گا۔

یہ بھی پڑھیں: وزیراعظم کا ترکیہ میں جنگلاتی آگ پر اظہار افسوس، ہرممکن امداد کی پیشکش

تعلیمی نظام کی بہتری

پنجاب کے ٹیکنیکل ووکیشنل ایجوکیشن بورڈ کا سکاٹ لینڈ اور برطانیہ کے اداروں سے الحاق کرنے پر اتفاق کیا گیا۔ پنجاب کے طلباء کو مارکیٹ کی ضروریات سے ہم آہنگ میٹرک لیول ٹیکنیکل ایجوکیشن کا پلان پیش کیا گیا۔ نوجوانوں کو انڈسٹری کی ضروریات کے مطابق ٹیکنیکل اور پریکٹیکل ایجوکیشن دی جائے گی۔

یہ بھی پڑھیں: پیٹرولیم مصنوعات کی درآمدات میں سالانہ بنیادوں پر 7 فیصد کمی ریکارڈ

نوجوانوں کے روزگار کے مواقع

نوجوانوں کو میٹرک کے بعد اچھے روزگار کے قابل بنانے کا ہدف مقرر کیا گیا ہے۔ گرافک ڈیزائننگ، میڈیا پروڈکشن، فیشن ڈیزائننگ، ڈیٹا کوڈنگ، ٹورازم ایکسپرٹ کے ٹیکنیکل کورسز کرائے جائیں گے اور انڈسٹریل الیکٹرکیشن، پلمبرنگ، سولر واٹر ہیٹنگ سسٹم، پروفیشنل شیف، الائیڈ ہیلتھ پروفیشنل کی تعلیم بھی دی جائے گی۔ وزیراعلیٰ نے ٹیکنیکل ایجوکیشن کے لئے بہترین اساتذہ کی خدمات حاصل کرنے کا حکم دیا۔

یہ بھی پڑھیں: آئینی ترامیم جمہوریت کیلئے تباہ کن ہیں: علی محمد خان

سلیبس ڈیزائن کی ہدایت

وزیراعلیٰ نے ٹیکنیکل ایجوکیشن کے لیے صنعتی اداروں کے ماہرین سے سلیبس ڈیزائن کرانے کی ہدایت کی۔

یہ بھی پڑھیں: بحریہ یونیورسٹی کراچی کیمپس کا 21 واں کانووکیشن، چیف آف دی نیول سٹاف ایڈمرل نوید اشرف کی بطور مہمان خصوصی شرکت

نوجوانوں کی ہنر مندی

وزیراعلی مریم نواز نے کہا کہ چاہتی ہوں پنجاب کا ہر نوجوان بے مثال ہنرمند ہو اور اپنے فن میں یکتا ہو۔ یوتھ فورس کو ٹیکنیکل ایجوکیشن سے پنجاب کی حقیقی طاقت بنائیں گے۔ نوجوانوں کو مارکیٹ کی ضروریات سے ہم آہنگ ٹیکنیکل ایجوکیشن دینے کے لئے تمام وسائل بروئے کار لائیں گے۔