پاکستان سپر لیگ 11 کے نئے شیڈول کا اعلان کر دیا گیا

پی سی بی کا نیا شیڈول جاری

لاہور (ڈیلی پاکستان آن لائن) پاکستان کرکٹ بورڈ (پی سی بی) نے پاکستان سُپر لیگ (پی ایس ایل) الیون کا نیا شیڈول جاری کردیا ہے۔ پی ایس ایل 11 کے نئے شیڈول کے مطابق یہ ایونٹ 26 مارچ سے 3 مئی تک دو شہروں، کراچی اور لاہور میں کھیلا جائے گا۔

یہ بھی پڑھیں: چیف الیکشن کمشنر اور دو ممبران کی تقرری، وزیراعظم نے عمرایوب کو مدعو کر لیا

ایونٹ کی تفصیلات

نئے شیڈول کے مطابق 39 دن تک جاری رہنے والے اس ایونٹ میں مجموعی طور پر 44 میچز کھیلے جائیں گے، جن میں سے 22 میچز لاہور اور 22 میچز کراچی میں منعقد ہوں گے۔ ایونٹ کا افتتاحی میچ لاہور قلندرز اور حیدر آباد کنگز کے درمیان لاہور میں ہوگا۔ لیگ کے پہلے اور دوسرے ایلی منییٹر کا انعقاد بھی لاہور میں ہوگا، جبکہ کوالیفائر کی میزبانی کراچی کرے گا۔ پی ایس ایل 11 کا فائنل بھی لاہور میں ہوگا۔

یہ بھی پڑھیں: حالات بگڑنا شروع ہو گئے، بلوائیوں کے حملوں کی خبریں آ رہی تھیں، گاؤں کے سکھوں نے کہا ہمیں مارے بغیر تم مسلمانوں تک نہیں پہنچ سکتے۔

میچز کا پہلا مرحلہ

پہلے مرحلے میں 26 مارچ سے 6 اپریل تک لاہور میں میچز ہوں گے، جبکہ 8 اپریل سے میچز کا آغاز کراچی میں ہوگا۔ چیئرمین پی سی بی محسن نقوی نے اس سے پہلے اعلان کیا تھا کہ پی ایس ایل 11 اپنے شیڈول کے مطابق 26 مارچ سے شروع ہوگا، تاہم شائقین کو اس میں شامل نہیں کیا جائے گا۔

پی سی بی کی وضاحت

لاہور میں پریس کانفرنس کرتے ہوئے چیئرمین پی سی بی نے کہا کہ پی ایس ایل کے انعقاد کے حوالے سے مشاورت جاری تھی اور فیصلہ کیا گیا ہے کہ لیگ مقررہ شیڈول کے مطابق 26 مارچ سے شروع ہوگی۔ محسن نقوی نے مزید کہا کہ پی ایس ایل ایک بین الاقوامی برانڈ ہے، جس میں غیر ملکی کھلاڑی بھی شامل ہیں، اس لیے ایونٹ کو ملتوی کرنا ممکن نہیں تھا کیونکہ آگے کوئی ونڈو دستیاب نہیں۔