ایران اور حزب اللہ کیخلاف کارروائیاں ایک دوسرے سے جڑی ہیں، طویل جنگ کیلئے تیار ہیں، اسرائیلی آرمی چیف

اسرائیل کی حزب اللہ کے خلاف کارروائیاں

تل ابیب (مانیٹرنگ ڈیسک) اسرائیل کے آرمی چیف ایال زامیر نے کہا ہے کہ لبنان میں حزب اللہ کے خلاف جاری کارروائی ابھی ابتدائی مرحلے میں ہے اور اسرائیل ایک طویل جنگ کے لیے تیار ہے۔

یہ بھی پڑھیں: اسلام آباد کے ایک پارک میں خیمہ زن 539 افغان باشندے گرفتار

ایران اور حزب اللہ کے خلاف مشترکہ اقدامات

غیر ملکی میڈیا رپورٹس کے مطابق کمانڈرز سے گفتگو کرتے ہوئے ایال زامیر کا کہنا تھا کہ ایران اور حزب اللہ کے خلاف اسرائیل کی کارروائیاں ایک دوسرے سے جڑی ہوئی ہیں۔ اسرائیلی فوج زمینی کارروائیوں کو مزید آگے بڑھانے کے لیے بھی تیار ہے۔ حالیہ ہفتوں کے دوران لبنان میں ہزاروں اہداف کو نشانہ بنایا گیا ہے اور ان حملوں کے اہم نتائج حاصل ہوئے ہیں۔

یہ بھی پڑھیں: جیکب آباد؛ ریلوے ٹریک پر دھماکا، جعفر ایکسپریس کو جزوی نقصان

مستقبل کی حکمت عملی

’’جیو نیوز‘‘ کے مطابق اسرائیل کے آرمی چیف نے مزید کہا کہ ایران کے خلاف مہم کے اختتام پر حزب اللہ تنہا اور الگ تھلگ رہ جائے گی، جبکہ اسرائیل اس کے خلاف اپنی کارروائیاں جاری رکھے گا۔

خطے میں بڑھتی ہوئی کشیدگی

واضح رہے کہ اسرائیل اور لبنان میں کشیدگی کے باعث خطے میں جنگ کے پھیلاؤ کے خدشات میں اضافہ ہو گیا ہے۔